Men hemişe dileýärin hudaýdan,
Gaýgy gussa ýugrulmasyn ömrümiz.
Bu bäş günlik dünye geçer,bizdenem,
Şatlanyp ýaşalyň,ýaşan günimiz.

Basan adimimiz,bolmasyn şowsyz,
Ýürekdäki söýgimiz kül bolmasyn.
Aşyk magşugyndan düşmesin jyda,
Bilbiliň saýraýan,güli solmasyn.

Göwnüne degmäliň birek biregiň
Doslaşyp ýaşalyň,ýaşan wagtymyz.
Ýel ugryna,tozamasyn kül ýaly,
Gül ýaly açylsyn,biziň bagtymyz.

Allam görközmesin hiç,bir adama,
Wagtyndan ir,aýralygyň ezýetin.
Diňe şatlyk,şowhun bolsyn öýlerde,
Ýaşaň duýyp bu durmuşyň lezzetin..

Edebiýat, sammy.kakabay tarapyndan 2 years ago
Teswir ýazmak üçin Içeri gir