Geldiň ýagty jahana,
Melhem bol dert, äleme.
Güýjüň ýetse bigana,
Ýagşylyk et adama!

Bolsa mal, dünýä puluň,
Ýetse nirä, uzatsaň eliň.
Ak bolsun göwnüň, diliň,
Ýagşylyk et adama!

Bolsaň beýik, emeldar!
Bolsun sende namys, ar!
Hiç kime bermegin azar!
Ýagşylyk et adama!

Nähaklykda durma bes!
Ejize ýüz öwürme kes!
Sylagsyz, ynsan bolma!
Ýagşylyk et adama!

Ajap ömür, sagdyn bol,
Elsize, el ganat bol,
Umytsyza, ýardam bol,
Ýagşylyk et adama!

Galar nesiliň, adyň,
Sagbolsun seň her anyň,
Seret daşyňa, ýanyň,
Ýagşylyk et adama!

Awtor: Pälwan Akmyradow(ZET-PRO20o3)