Söýenim ýazýaryn saňa dessany,
Ýüregimden aldyň gaýgy-gussany,
Sagaltdyň sen dertli ýatan hassany,
Derdimiň dermany söýýärin seni!

Bagt diýilse sen düşýärsiň ýadyma,
Näzlim ynan jan goşýarsyň janyma,
Minnetdar men düşünýärsiň halyma,
Ömrümiň manysy söýýärin seni!

Garaňky gijämiň nurly şöhlesi,
Jennetli bagymyň datly miwesi,
Şatlykly dünýämiň ykbal bijesi,
Ynan päk ýürekden söýýärin seni!

Döwlet diýer,gül meňziňi soldurman,
Saňa degenleri,asla güldürmen,
Tä ölinçäm, aýralygy duýdurman,
Mähirli dilberim söýýärin seni!

Awtor: Döwlet Ýazgeldiýew