Zehinli kompozitorymyz Nury Halmämmedow aramyzda ýaşap ýören bolsa, Oguz aýynyň 20-sine biz 70 ýyllyk toýuny ulu dabaralara beslärdik. Emma bimahal gelen ajal ony biziň aramyzdan sogrup alyp gitdi. Bu diňe bir türkmen medeniýetiniň we sungatynyň öwezini dolduryp bolmajak ýitgisi bolman, eýsem dünýä möçberinde-de uly ýitgidi. ______________________________________________ Haýrana Galar - Nury Halmammedow
Nury Halmammedow, Ussat kompozitor!
-
milliyetçi
15 years ago
- howwa serdar! dogry aýdýaň! bu kompozitora taý ýok! ol ýeke-täk! ýöne, oň doglan güni 1940-njy ýylyň fewral aýynyň 24-i diýip pikir edýädim.
P.S. Nury halmämmet gaty içegen bolupdyr diýýärler. halamazmykaňyz öýdýän, ýöne bu hakykat! muny maňa kompozitory ýakyndan tanaýan adamlar aýtdylar.
-
Fransuz
15 years ago
- milliyetçi nury kompozitory yakyndan kim tanayaray? men bu kompozitoryn yegeninin ogly.
-
CeriumOxide
15 years ago
men bu kompozitoryn yegeninin ogly.
Fransuz | 2008-07-06 21:44:32
fransuz! aýtýanyň çyn bolsa meniň bilen habarlaşsana!!!
owmadow@hotmail.com
-
Fransuz
15 years ago
- Salam. shu aytyanlarym cyn.
-
Ga1taman
15 years ago
- sowyet döwrünin köp ussatlary, şahyrlary, sazandalary, başlyklar alymlar, garaz hemmesi diyen yaly içegen bolupdyr.
durmuşyn lezzetini alyp, erkin pikir edip bilipdirler.
-
CeriumOxide
15 years ago
fransuz! aýtýanyň çyn bolsa meniň bilen habarlaşsana!!!
owmadow@hotmail.com
CeriumOxide | 2008-07-07 20:04:09
Salam. shu aytyanlarym cyn.
Fransuz | 2008-07-07 21:22:17
-
Fransuz
15 years ago
- name soragyn bar soraber. ceriumoxide
-
Harmandali
15 years ago
- Hawa Nuru Halmammedow kopurak ichipdir. In esasy zadam ol ichen wagty has gowy sazlar yazypdyr. Mana bildirenok ussat adamlaryn narkoman ya alkash yene bir zatdygy elbetde gynanyan yone mana olaryn ussatlygy has onde gorunya.
Men bir eshden zadymy aydayyn. Bir gezek Nury agan Moskwada koncerdymy bir zady bolupdyr bulam Moskwa gidipdir. Taze yazan aydymyny bolsa goyup gaydypdyr TM-da. Wagtam azmyshyn TM gidip getirip yetiship bolmayamyshyn. Nury aga-da 1 yashik arak alyp bir jaya giripdir “hich kim mana azar bermesin” diyipdir ertire chenli shol sazy onkusindenem gowy edip yazypdyr.
Fransuz mumkin sen onun yegeninin oglusyn gaty gorme men yokarky aydanymy ony kemsitjek bolup aytmadym gaytam tersine gysga wagtda saz duzup bilendigini aytjak boldum. Nireden eshtdim! Men dayym, babam hudozhnik. Babam Nury aga bilen ishleshipdir oydyan, dayym bolsa birgiden bagshylary tanaya shol kawagt gurrun berya.
Mende-de bir makalajyk bar “Nesil” gazedinden okapdym wagtym bolsa yazyp barde goyarn.
-
Maxat
15 years ago
- harmandali onda senin aydanyn wersiyalary kan öytyan, bize edebiyat mugallymymyz şona menzeş wakany gürrün beripdi
"Aygytly adimin meşhur sazyny düzmeli bolya, şonda 1 yaşşigi alyp 1 hepde azar bemesin diyyan bolmaly, son rejisyor Alty Garlyýew gelip görse Nury aga entagem sazy düzmandir, son Alty Garlyýew ali bilen kakyşdyryp heň döretyar, şondan Nury aga ylham alyp sazy yazyar"
-
CeriumOxide
15 years ago
bize edebiyat mugallymymyz şona menzeş wakany gürrün beripdi
Max! Eger edebýat mugallymym diýip garýagdy mugallyma diýýän bolsaň, onda ol şeýle diýipdi!
Alty garlyýew nury halmammedowa aýgytly ädimiň sazyny düzmegi üçin belli bir wagt berýär, wagt dolansaň nury halmmamedowyň ýanyna barýar welin ol henizem saz düzmändir, onda ol ony bir ýeşşik arak bilen bir otaga gulplaýar, we ertesi gelende nury halmammedow sazy düzüpdir! ýa ýalňyşmy?!
-
CeriumOxide
15 years ago
name soragyn bar soraber. ceriumoxide
Fransuz | 2008-07-08 22:05:53
kyn görmeseň mailime ýazaýsana!
-
Fransuz
15 years ago
- mailine yazdym. gowja barla. 2 gun mundan ozal yazypdym. aslynda men kan bir gaharjan adam dal.
-
Maxat
15 years ago
- CeO2, )), [pardon]
hawa şo önünden ya sonundan 1 yaşşigi berya diyipdi, yöne asyl sazyn ylhamyny Alty Garlyyewin elinin tykyrdatmasyndan alyan bolmaly(yokarda zaman gazedinde-de yazylyşy yaly)
-
CeriumOxide
15 years ago
ceo2Ce2O3
ýazgy gaty uzyn bolany üçin doly okamadym, ýöne men edebiýat mugallymymyzyň aýdanyny aýtdym;)
-
Fransuz
15 years ago
- bolya sizinki belki dogrydyr. yone men bilyanlerim bilen sizin aytyan zatlarynyz den gelenok. name uchindir sizin edebiyat mugallymynyz shunun yaly zatlary size aydypdyrda bizinki aytmandyr. dost ceriumoxide sen haysy mekdepde orta bilimini aldyn. men bilen habarlashsana. menin email'in saparmyrat@mail.ru .
-
CeriumOxide
15 years ago
name uchindir sizin edebiyat mugallymynyz shunun yaly zatlary size aydypdyrda bizinki aytmandyr.
edebiýat mugallymy saňa aýtmaga bejbur däl ozatlary, aýtsa aýdym mugallymyň aýdar.
orta bilimi 3 sany mekdepde aldym ýöne iň uzak(5 ýyl) okan ýerim Baýramaly türkmen türk mekdebi.
-
CeriumOxide
15 years ago
bejburmejbur
-
CeriumOxide
15 years ago
- fransuz! mailiňi barlasana
-
Fransuz
15 years ago
- Baýramaly türkmen türk mekdebini hachan gutardyn? belki meninem tanayanym bardyr.
-
CeriumOxide
15 years ago
mailine yazdym. gowja barla. 2 gun mundan ozal yazypdym. aslynda men kan bir gaharjan adam dal.
Fransuz | 2008-07-09 22:40:23
sen ýazan mailiň junk/spam-e gidipdir, şondan görmedim. mail.ru-dan bolany uchin bolaymasa. men sana mail yazdim, barla!
-
Fransuz
15 years ago
- barladym, gordum. sagbol senem indi barlap gor.
-
Maxat
15 years ago
- CeO2 (Cerium Oxide)
Properties
Fusion - 2600C
From The Oxide Handbook
Glaze Color - Yellow
In combination with titanium, cerium produces a yellow glass.
Glaze Opacifier - White
Used as an opacifier for special effects in the tile industry; as a replacement for tin opacifier in porcelain enamel.
ýa ýalňyşmy?!))
source: http://ceramic-materials.com/cermat/oxide/ceo2.html
-
CeriumOxide
15 years ago
- aý Max! Borlaý! masgara edip barýaňlaý!
ce0
ceo2
ce2o3
hemmesem bolýar!
sen kömür bilen, almazyň tapawudyny bilýäňmi :D, şonuň ýaly diýip pikir edäý :P
-
Harmandali
15 years ago
- Ozem Nury aga eger taze saz duzse gijan yary dostlarynynka gelip ol sazy chalyp hem beryan wagty bolyan eken.
Mana onun mashgala durmushy gyzyklandyrya. Fransuz eger chyndanam sen on garyndashy bolsan gurrun bersene!! Her namede bolsa onyn garyndashlaryndan ol hakda bilmek has gowy yaly.
Gel, gyzdyrsaň bu dünýäniň meýlisin,
Sözi menden, sazy senden, tar senden.
Mejnun bolan tanymazmy Leýlisin,
Yşky menden, wysal senden, ýar senden.
Giň jahanyň ýagtysyna maýyl men,
Tüm ykbala şöhle bolup çaýyl sen,
Yşk oduna üşäp gelen seýil men,
Oduň menden, alaw senden, nar senden.
Meni rowa görmäň kysmat daşyna,
Siller aman diýer gözde ýaşyma.
Bu dünýäniň ýüzügüniň gaşyna,
Göwher menden, kümüş senden, zer senden.
Göwnüň açyk, meňzäp barýaň mülke sen,
Kemine deý sana tyllaň zülpe sen.
Garybyna orun berer ülke sen,
Yhlas menden, mekan senden, ýar senden.
Magşugyň men – sözüm sazyň şanyna,
Ýolum düşüp Saz ýurdunyň Dagyna.
Sazdan gülläp döndüm yşkyň bagyna,
Güli menden, şahy senden, bar senden.
Janym söýgim saz bagyňa keşdedir,
Dünýä ony gola alyp eşdedir,
Kalbym suwsap zemin – saza teşnedir,
Sözi menden, mukam senden, tar senden.
Mukamy berseler yşky güýjäne,
Menzili berseler ömür süýjäne,
Ykbal garaňkysy düşse bijäme,
Umyt menden, gündiz senden, nur senden.
(Oguljemal Çaryýewa) Nury Halmammedowa bagyşlanýar.
-
CeriumOxide
15 years ago
Ýakynda Bäherden etrabynyň Daýna obasynda meşhur kompozitor Nury Halmämmedowyň heýkeliniň açylyşy mynasybetli uly toý-dabarasy geçirildi. Bu dabaranyň Nurynyň obadaşlary bolan iki ýaş juwanyň durmuş toýy bilen gabat gelmegi bolsa hemmeleriň şatlygyna şatlyk goşdy.
Ýadygärligiň golaýynda ilkinji arça nahalyny oturtmak hem goşa toýuň şatlygy bilen gurşalan il-günüň makullamagynda bagtyýar ýaşlara miýesser etdi.
Şatlyga beslenen dabaranyň dowamynda meşhur kompozitor bilen öz wagtynda bile tirkeşen, duz iýşen hem pikir alşan adamlar, Türkmenistanyň halk artisti Aýdogdy Gurbanowyň meşhur «Aýna» aýdymyny aýdyp, halypa kinorežissýor Osman Saparowyň bile işleşen günlerini ýatlap, ussat dirižýor Orazgeldi Berdiýewiň bile okan döwrüni gürrüň berip, kompozitor Aşyr Abdyllaýewiň maşgala bolup gatnaşan döwürlerine degişli gyzykly pursatlary göz öňüne getirip eden çykyşlary hasam ýatdan çykmajak tasir galdyrdy. Il-gün öz zehinli ogluna bagyşlap döreden ajaýyp ýadygärlik heýkeli üçin bu dabara öz şägirtleri bilen gatnaşan belli heýkeltaraş Saragt Babaýewe çuňňur minnetdarlyk bildirdiler. Märeke tanymal hudožnik Amangeldi Hydyrowyň geljekde Daýnanyň dürli ir-iýmişli gözel dag-jülgelerini wasp edip, birnäçe surat eserlerini döretmegi göz öňünde tutýanlygy baradaky çykyşyny hem guwançly el çarpyşmalar bilen diňlediler.
Dabaranyň dowamynda Nury Halmämmedowyň sazlary ýaňlandy, mekdep okuwçylary bolsa meşhur kompozitoryň sazlaryna döredilen aýdymlary ýerine ýetirip, bu ýere ýygnananlaryň göwünlerini galkyndyrdylar. Dabara giç agşama çenli dowam etdi.
Remezan BaÝrammyradow. (zaman türkmenistan)
-
ata
15 years ago
- Serdar, mende kompýuterimde N.Halmämmediň 5 sany sazy bar. Şolary bärä nädip goýmaly?! Youtube arkalymy?!
Sen ýokardaky audio görnüşli faýly nädip bu ýere goýýaň?! Täze mowzuk arkaly onam ýazsana, ýa iň bolmanda "nädip surat goýmaly?!" atly mowzugyňda ýazsaň!
Sag bol, jigim :)
-
CeriumOxide
15 years ago
- bäh sizde haýsy sazlary barka!!! belki sizde barlaryň arasynda mende ýogy bardyr :) maile ugratsana agam!!! :)
plaýer bilen ses faýl goýmak surat goýmakdan kynyrak :). ýöne boşurak wagtym size mail ýada messenger arkaly düşündiräýerin!
-
agayunus
15 years ago
Sen ýokardaky audio görnüşli faýly nädip bu ýere goýýaň?!
men hem şuny öwrenesim gelýä. gaty gizlin maglumatmaý, bärik düşündirip ýazsaňyz bolmazmy?
-
ata
15 years ago
- bäh, Serdar, aýtmansyň-ow:)
men näme goýanyňy-ha görüp bildim welin, nädip goýanyňy welin bilip bilmedim, mümkin, men hem azajyk gaýrat etsem, goýup biläýjek aly :)
Ynha, seň goýan zadyň şul ekeni:
Ýazmasy agyr düşen goşgy - Kerim Gurbannepesow
"
-
CeriumOxide
15 years ago
- agam güldürip bilýäňlaý :)
garyşyk we kynyrak bolansoň diýdimlaý, bir boşyrak wagtym goýaýaryn.
CeriumOxide 15 years ago- Zaman türkmenistan gazedinde çap adilen ýazgy.
Kinony bezän sazlar
Zehinli kompozitorymyz Nury Halmämmedow aramyzda ýaşap ýören bolsa, Oguz aýynyň 20-sine biz 70 ýyllyk toýuny ulu dabaralara beslärdik. Emma bimahal gelen ajal ony biziň aramyzdan sogrup alyp gitdi. Bu diňe bir türkmen medeniýetiniň we sungatynyň öwezini dolduryp bolmajak ýitgisi bolman, eýsem dünýä möçberinde-de uly ýitgidi.
Çünki nijeme ajaýyp saz eserleri döremän galdy.Türkmen kino sungatynyň ussatlary hem Nury Halmämmedowy öz kompozitorlary hasaplaýarlar.Sebäbi “Şükür bagşy”, “Aýgytly ädim”, “Mukamyň syry”, “Keçpelek”, “Gorkak batyr”, “Japbaklar”, “Kärizgenler” we “Ynha, kakam gaýdyp geler” ýaly filmleri agzanymyzda, zehinli kompozýtoryň merdana keşbi hakydamyzda janlanýar.Onuň milli kinomyzyň ösmegine, kämilleşmegýne, duýga ýugrulan täsirli filmleriň döredilmegýne goşan goşandy ölçegsizdir....1963-nji ýylda ýaş kompozitor Nury Halmämmedow Moskwanyň P. Ý. Çaýkowskiý adyndaky konserwatoriýasyny tamamlap gelen ýylyndan başlap, türkmen kinosy bilen ysnyşykly döredijilik gatnaşygyny ýola goýýar. Kinorežissýor W. Lawrow “Jomart deňiz” atly dokumental filmini surata düşürmäge girişende, ol ýaş kompozitordan filmiň surata düşüriljek ýeri bolan Hazar deňzýne bile gitmegi haýyş edýär. Nury ak köpürjikli tolkunlaryny kenara urýan goja deňzi ilkinji gezek görýändigi sebäpli, dessine aýakgabyny çykaryp suwa girýär. Ol şapaklap barýan Güne gujagyny giňden açyp, çaga ýaly begenipdir. Netijede ýaş kompozitory ylhamlandyran goja deňiz balykçylaryň durmuşyndan gürrüň berýän adaty dokumental filmiň filosofiki täsir ediji eser bolup çykmagyna ýardam edipdir.Onuň türkmen dokumentalçylarynyň döreden “Men we meniň doganlarym”, “Günüň aşagyndaky duşuşyklar” ýaly filmlere ýazan sazlary hem bu eserleriň täsirli bolup çykmagyna uly itergi beripdi. Ol gysga, emma manyly döredijilik ömründe 20-den gowrak çeper, dokumental we multiplýkasion filmlere saz ýazdy. Kompozitoryň ol sazlary öz gözbaşyny türkmen halkynyň mukamlaryndan, heňlerinden alyp gaýdýandygy sebäpli, halkyň söýgüli eserlerine öwrüldi.Nury bilen kinorežissýor Bulat Mansurowyň taryhy duşuşygy netijesinde milli kinomyzyň altyn gaznasyna giren “Şükür bagşy” filmi döredi. “Şükür bagşyda” biz režissuranyň ussatlygyny görýäris. Emma bu filmi sazsyz göz öňüne getirmek hem mümkin däl. Kompozitor filmiň her bir sahnasynda bolup geçýän wakanyň mazmunyna laýyklykda özboluşly saz eserini döredýär. Şükür býlen Gulam bagşynyň dartgynly ýaryş gurýan sahnasynda ol dutaryň kirişlerinden çykýan heňi simfoniki orkestriň kömegi bilen joşgunly saza öwürýär. Ol Şüküriň doganyny azat etmek üçin watanyny göz öňüne getirip, ruhy medet gözläp, pýkire batýan sahnalarynda hem dutaryň kirişlerinden çykýan mukamy simfoniki orkestriň ýerine ýetirmeginde berip, göwnüňi göteriji depginli sazlary ýaňlandyrýar. Kompozitor filmiň her sahnasyndaky tema laýyklykda saz eseri bilen wakalary tomaşaçylara duýgy bilen ýetirmek isleýär.Filmiň soňunda biz ýaryşda ýeňlen köşk bagşysy Gulamyň gama batyp oturan sahnasyny görýäris. Şoňa laýyklykda kompozitor sazy ilki minor çekimde başlaýar, soňra ýeňiji Şüküriň temasyna geçýär-de, sazy mažor çekimdäki marşa öwürýär. Kameranyň panoramasyna laýyklykda sazyň depgini güýçlenýär. Şeýle sahnalarda kompozýtoryň ussatlygy duýulýar. Kompozitoryň režissýoryň pikirdeşi bolmagy örän wajypdyr. Olar bir-birege düşünmese, duýguly filmiň döremegi mümkin däl.Alty Garlyýew “Aýgytly ädim” filmini surata düşürmäge girişende, Nury Halmämmedow bilen egin-egne berip işleşýär. Alty aganyň saz ugrundan bilimi bolmasa-da, ol filmiň haýsy sahnasyna nähiliräk depgindäki sazyň gerekdigini duýmagy başarypdyr. Ol kompozitora elleri bilen kakuw edip, edil şol bir sahna nähili sazy isleýändigini düşündirmäge çalşypdyr. Nury bolsa Alty aganyň islegine düşünip, sazyň ilkinji heňiniň notasyny ýazyp režissýora eşitdiripdir. Alty aga kompozitoryň özüne düşünendigine gaty begenipdir.Ynha, “Aýgytly ädim” filminde toý lybasyna beslenen gelnaljy barýar. Nury Halmämmedow orkestre jaňjagazyň sesini goşýar. Ol bolsa göýä gelin-gyzlaryň dakynan şaý-sepleri seslenýän ýaly duýgy döredýär. Türkmen ýigitleriniň at çapdyryp söweşe barýan görnüşlerinde bolsa, kompozitor kostanýet saz guralyndan peýdalanýar. Ol bolsa at toýnaklarynyň sesini bermek bilen, görnüşleriň täsir edijiligini güýçlendirýär. Filmiň lýriki öwrümlerinde kompozitor Artyk bilen Aýnanyň ýerine ýetirjek aýdymlaryna saz ýazypdyr. Aýdymçylar Aýdogdy Gurbanow bilen Güljan Hümmedowanyň ýerine ýetirmegindäki ol aýdymlar halk köpçüligi tarapyndan gowy garşylanýar.1969-njy ýylda türkmen telewideniýesiniň “Türkmentelefilm” studiýasynda režissýor Öwlüýaguly Kulyýew “Keçpelek” atly çeper filmi surata düşürmäge girişende, saz ýazdyrmak üçin Nury Halmämmedowy göz öňüne tutýar. Rowaýat esasynda döredilen bu filmiň içinden hem sazyň ykbaly eriş-argaş bolup geçýär. “Şükür bagşy” filmindäki ýaly dutaryň heňleri esas hökmünde alnyp, simfoniki orkestriň mukamy bilen belent derejelere göterilýär. Wakalar saz bilen utgaşykly beýan edilip, olar bir-birini baýlaşdyrýarlar. Kompozitor bu film üçin birnäçe aýdym ýazýar. Filmiň baş gahrymany bagşy Berdimyradyň aýdymyny meşhur estrada aýdymçysy Annaberdi Atdanow ýerine ýetiripdi. Haçanda Berdýmyrat öz söýen gyzy Maralyň toýunda bagşyçylyk edendigini bilende, onuň ýerine ýetirýän “Bagrym deşik-deşik boldy elekden” diýen aýdymy üçin kompozitor simfoniki orkestriň içinden skripkanyň we wiolençeliň sesini öňe çykarýar. Ol saz gurallaryndan çykýan heň bolsa Berdimyradyň kalbynda gopýan hasraty çuňňur beýan etmäge ýardam berýär.1972-nji ýylda Alty Garlyýew merkezinde aýal bagşynyň ykbaly ýatan “Mukamyň syry” atly filmini surata düşürmäge girişýär. Ol bu filme-de Nury Halmämmedowy çagyrýar. Sebäbi bu filmiň içinden hem sazyň taryhy, mukamyň ykbaly geçýärdi. Kompozitor bu filmde-de režissýoryň pikirdeşi bolup çykyş edýär.Filmiň täsin sahnalarynyň biri-de, agşam gyzlaryň aýdym aýdyp, küşt depýän pursatlary. Nury bu görnüşleri, türkmeniň milli aýdym-sazlaryna mahsus bolan heňleri we mukamlary ulanyp, tomaşaçylaryň ýadyndan çykmajak täsirli sazlar býlen bezeýär.“Şükür bagşy, “Keçpelek” we “Mukamyň syry” filmlerinden tapawutlylykda, käbir filmlerde saz eseriň baş temasy bolman, suratlandyrylýan wakalaryň kömekçisi hökmünde-de ýaňlanýar.Mysal üçin, režissýor Osman Saparow 1982-nji ýylda özüniň meşhur “Gorkak batyr” atly çeper filmini surata düşürmäge girişende, Nury Halmämmedow bilen işlemäge döwtalap bolýar. Režissýor filmiň baş gahrymany Çamanyň temasyny, onuň içki duýgusyny açyp görkezmek üçin, kompozitordan çöl tebigatynyň gözelligini, haýwanat dünýäsiniň täsinligini suratlandyrýan şekilleri saz bilen utgaşdyrmagy haýyş edýär. Biz ekranda bolup geçýän wakalara laýyklykda simfoniki orkestriň ýaňlandyrýan sazlary bilen bilelikde beýleki sesleriň hem utgaşyp gidýändigini eşidýäris. Mysal üçin, ýeliň şuwwuldysynyň, itleriň üýrmesiniň, goýun-guzularyň mälemesiniň, sazak-selinleriň ülpüldýsýniň üstüni filmiň sazynyň ýetirýändigini eşidýäris. Bu sesler gulaga ýakymly eşidilip, sen göýä özüňi gumda, çopan goşunda ýaly duýýarsyň.Baba Annanow bilen Nury Halmämmedowy aýratyn döredijilik hem-de dostluk gatnaşyklary baglanyşdyrýardy. Sebäbi bu iki ussadyň ýetginjeklik ýyllary urşuň gazaply döwrüne gabat gelipdi. Baba aga uruş ýyllary tylda galan gelin-gyzlaryň, çagalardyr garrylaryň zähmetde görkezen edermenligini beýan edýän “Kärizgenler” atly çeper filmini surata düşürmäge girişende-de, dosty Nura köp meselede bil baglaýar. Nury bolsa dostunyň ynamyny ödäp, filmiň içinden geçýän sazyň esasy äheňini uruş ýyllarynda ýaňlanan heňlerden susup alýar.Mysal üçin, “Kärizgenleriň” parahat sahnalarynda Selbi Merdany ýatlap, gopuz çalýarka, kompozitor gopuzyň heňini simfoniki orkestriň kömegi bilen baýlaşdyryp, belende göterýär. Şol sahnalardaky liriki sazlar kärizden akýan suwuň şildirdisi, ak baş bugdaýlaryň ülpüldisi, torgaýlaryň saýramasy bilen utgaşyp, uly gowgaly wakanyň öňüsyrasyndaky asudalyk ýaly duýgy döredýär. Haçanda dagdan inen sil suwunyň bugdaý meýdanlaryny basmak howpy abananda, kompozitor depginli saza geçýär. Daýhanlaryň hasyly halas etmek ugrundaky göreşi başlanýan sahnalarda marş sazy ulanylyp, simfoniki orkestrdäki deprekleriň sesi öňe çykýar. Şol saz göýä hasylyň üstüne sil däl-de, eýsem, faşistik basybalyjylaryň ädikleri depelemäge gelýän ýaly duýgy döredýär. Uruş temasyna bagyşlanan sazlar režissýor Halmämmet Kakabaýewiň “Ynha, kakam gaýdyp geler” atly çeper filminden hem eriş-argaş geçýär. N. Halmämmedow bu filmde hem gazaply uruş döwrüniň keşbýni bermek üçin hesretli heňleriň birnäçesini ulanýar.70-80 –nji ýyllar Nurynyň türkmen kinosynda iň öndümli işlän döwri bolupdy.Ol režissýor Kakow Orazsähedowyň şadyýan doganlaryň başdan geçirmelerine bagyşlanan “Japbaklar” filmine (1973) we 20-nji ýyllaryň raýatlyk urşuna bagyşlanan “Guşgy galasy” (1983), režissýor Anatoliý Karpuhiniň şol döwrüň harby esgerleriniň durmuşyna bagyşlanan “Ofýser walsy” (1978), Muhammet Söýünhanowyň tebigaty goramak temasyna bagyşlanan “Geçýgaplaň’’ (1978), režissýor Baba Annanowyň “Serdar” (1979) ýaly filmlerine-de täsin kinosazlary ýazýar.Multiplikasiýa - kino sungatynyň täsin görnüşi. Bary-ýogy 10 minut dowam edýän multfilme kompozitor başly-ahyryly, ýagny gutarnykly saz eserini ýazmaly. Multiplikasiýa kompozitordan irginsiz gözlegleri, ýadawsyz zähmeti, çäksiz zehini we ussatlygy talap edýär. Nury Halmämmedow multiplikator Ýewgeniý Mihelsonyň surata düşüren “Öýsüz Goňurja” (1971), “Dostlar” (1972), “Howsala” (1974), “Çörek we oglanjyk” (1975), “Dynç aldym” (1976), “Niçik halyň, Tilki dost?” (1978), “Jedel” (1980) we “Näme üçin düýe ýandak iýýär?” atly multfilmlerine saz ýazýar.Kompozitor bu multfilmleriň körpejelere niýetlenendigine oňat düşünýär. Şonuň üçin ol her bir gahrymanyň gylyk-häsiýetine laýyklykda simfoniki orkestrdäki saz gurallarynyň käbir görnüşleriniň seslerini aýratynlykda ulanýar.Mysal üçin, “Öýsüz Goňurjadaky” we “Dostlardaky” gahrymanlar bolan Goňurja atly güjüjýge, Towşana, Möjege, Tomzajyga, Köşejige, Kürrejige aýry-aýrylykda özboluşly saz temasyny oýlap tapyp, goboý, skripka, wiolençel, klarnet, saksofon, fleýta ýaly saz gurallarynyň seslerýni aýratynlykda ulanýar. Bu bolsa, öňem nygtaýşymyz ýaly, gahrymanlaryň gylyk-häsiýetleriniň, içki dünýäsiniň açylyp görkezilmeginde uly ähmiýete eýe bolýar.Zehinli kompozitorymyz Nury Halmämmedowyň sazlary şu günki döredilýän filmlerde-de giňden ulanylýar. Režissýor Kerim Annanow meşhur şahyrymyz Gurbannazar Ezizowa bagyşlanan “Söýüň meni” atly dokumental filmini döredende-de, Nury Halmämmedowyň tomaşaçylar köpçüligine tanyş bolan saz eserlerini ulandy. Režissýor bu filmde iki ussadyň döredijilik gatnaşyklarynyň gymmatyny kino şekilleriniň üsti bilen ýene bir gezek, özboluşly janlandyrýar.Türkmen kinoçylary kompozitora ebedi ýadygärlik hökmünde 2003-nji ýylda “Nury Halmämmedow” atly üç bölümden ybarat bolan çeper-publisistik filmi döretdiler. Filmiň režissýory Şyhmyrat Annamyradow kinonyň çeperçilik serişdeleriniň üsti bilen beýik kompozitoryň ömür hem döredijilik ýoluny şahyrana beýan edýär.Türkmen halkynyň söýgüli kompozitory Nury Halmämmedowyň zehine ýugrulan sazlary şu günler hem kinoda, teleýaýlymlarda, radioda, baýramçylyklarda häli-şindi ýaňlanyp dur. Bu bolsa ussadyň ölmez-ýitmez aýdym-sazlarynyň halk ýüreginde baky ýaşaýandygynyň subutnamasydyr.