Zerur diÿip geldiñ, ÿumšuñ bitirdim,
Alanja puluñy bersene, dostum!
Ynjyk diÿme, üç ÿyl dymyp oturdym,
Alanja puluñy bersene, dostum!

Guda bolduk, oglumyzy öÿerjek,
Karzyñ üzseñ, kömek edenje görjek,
Hossarymdan ozal toÿa çagyrjak,
Alanja puluñy bersene, dostum!

Aÿalym igenÿär her gün, her sagat,
"algyñ alyp bilmän, geziber ysnat...",
Erkek kišä gep çekmeklik agyr zat,
Alanja puluñy bersene, dostum!

Algym barka karz sorap ÿörmäÿin,
Gaÿrat etseñ gadyryñy bileÿin,
Berjek puluñ ÿaryn sowgat bereÿin,
Alanja puluñy bersene, dostum!