Eý, adam ogly, açlygyň soňunda dokluk, teşneligiň soňunda ganmaklyk, ukusyzlygyň soňunda rahat ýatmaklyk, hassalygyň soňunda saglyk bardyr. Gaýyp (ýiten) adam gaýdyp geler, azaşan ýoluny tapar, kynçylyklar çözüler, tümlük perdesi syrylar. “Belki, Allatagalla bir üstünlük-ýeňşi ýa-da öz ýanyndan bir ajaýyp işi hasyl eder.” Gijeler buşla, agaryp gelýän daň bu garaňkylygy daglaryň başyna we jülgeleriň törüne umma kowar. Gaýgyly bendä buşla, duýdansyz şatlyk ýagtylyk tizliginde, göz yumup açasy salymda gelýändir. Halys eňki agan adamalara buşla, olar üçin gizlin (inçe) lutfy-kerem, olaryň aladasyny edýän mährem, mylaýym aýa bardyr. Uzalyp-uzalyp, ulgam-ulgam bolup ýatan çägelikleri görseň, bilgin, olaryň aňyrsynda ýaşyl begres atynyp otyran bossanlyklar we goýry saýalar bardyr. Çekilip-çekilip, dartylyp barýan ýüpi gorseň, bilgin, ol hökman üzülýändir. Gözýaşyň soňunda ýylgyryş, gorky sowulansoň arkaýynlyk, dowul ýatyşansoň ynjalyk bardyr. Wagtlaýyn kynçylyklaryň ýesiri we ötegçi ýagdaýlaryň guly bolýan adamlar, durmuşda kynçylyklardan, darlykdan, argynlykdan, ysgyn-mydarsyzlykdan başga zady görmezler. Sebäbi bular diňe jaýyň diwaryny we howlynyň girelgesini görýärler-de, durýalar. A-how, adamlar, görünmeýänem bolsa, gapy bar bolsa, aňyrsynda bir zadyň hökman bolaýmalydygyna akyl ýetiriň, aň ediň, göz aýlaň ahyry. Batly pikirleriň jylawyny şol diwarlaryň aňyrsyndaky zatlara tarap gönükdiriň. Eý, adam ogly, biderek ýere howsala düşme, şol bir ýagdaýyň elmydama dowam etmegi mümkin däl. Şatlyga garaşyp gezmegiň özi ybadatdyr. Günler ötegçi, gijeler syrly, gaýyp zatlaryň üsti örtülgi. “Alladan başga hiç kim hiç zat bilmez, hiç kim hiç zada kepil geçip bilmez”. Ähli zada adyl çözüji Alla her gün öz ornundadyr, belki, Allatagala mundan soň has haýyrly işleri hasyl eder, elbetde, her bir kynçylygyň ýanynda hökman ýeňillik (hezillik) bardyr.
Gamgyn bolma! Çünki sen düýn gynanyp-gyýylyp, darygyp gördüň, saňa gara şaýlyk haýyry degdimi? Ogluň işi urukmady, gynananyň bn üstinlik gazandymy? Eneň-ataň aradan çykdy, öte gyýlanyň bn yzyna direlip geldimi? Söwdada çökdüň, gaýga çümdiň, daryganyň bn ýitgiler girdejä öwrüldimi?
Gamgyn bolma! Sen bir bela-beter uçin gama batdyň, gaýta esse-esse dert gazandyň. Görüp bahyllaryň her bir sözi uçin ejir çekdiň, şeýdibem olaryň heşelle kakmagyna kömek etdiň. “Bir ýaramaz iş ýüz beräýmesin” diýip, dowla düşüp, hasrata batdyň ýördüň, emma ol bolmady. Gury örteneniň galdy.
Gamgyn bolma! Kalbyňy gaýgy-gam , dargursaklyk eýelän bolsa , giň howlunyň, görmegeý ýanýoldaşyň, boltelki malyň, abraý derejäniň, asylly-terbiýeli perzentleriň berýän ýakymyny , lezzetini asla duýup bilmersiň!
Gamgyn bolma! Gaýgy-gynanç süýji suwy şerebe, gül gozasyny türşek, bag bossanlygy gök gögermez düzlük, durmuşy bolsa çydap bolmajak zyndan edip görkezer.
Gamgyn bolma! Şükür et: iki gözüň, iki gulagyň, iki dodagyň, iki eliň, iki aýagyň, bir diliň bar – sag-salamat. Günüň ganymat, ýurduň abat, süňňüň gurat. Ýeri, mundan soň: “ Perwerdigäriňiziň haýsy bir nygmatyny inkär etjek bolýanyz”?.
Gamgyn bolma! Arassa ynanç ygtykadyň, ýatyp-örýän öýüň, iýere döwüm çöregiň, içere arassa suwyň, geýere egin-eşigiň, mährini berip duran ýanýoldaş-hemraň bar, ýeri, nämä darygyp gynanýarsyň?
Çeşme - ertir.com
Aid AL-KARNI
Paýhaslar düwünçegi...