Abu Hüreýre (Alla ondan razy bolusn) rowaýat etdi Resul alaýhyssalamdan. Resul alaýhyssalam aýtdy: Hatyna «munda gel, meniň goýnumda ýatgyl» diýse, ol gelmese, ol sebäpli äri gaharlansa, ol gaharlanany sebäpli, ýedi gat asman ýedi gat ýeriň perişdeleri ol hatyna tä gelýänçä lagnat eder. Resul alaýhyssalam aýtdy: Her hatyn ärini razy etse, ol hatynyň behiştde žaýy bolar. Resul alaýhyssalam aýtdy: Her hatyn giže-gündiz tagat etse, äri ondan razy bolmasa, behişt oňa haramdyr. Men ol hatyna şepagat etmerin. Her hatyn Hudaýtagala asy bolsa we ybadaty bolmasa ärini razy etse, onda oňa dowzah ody haramdyr. Ol behiştde uly mülke eýe bolar. Ibn Abbas Resul alaýhyssalamdan wesýet etdi. Bir hatyn geldi we aýtdy: — Ýa Resulalla, äriň hatynynyň boýnunda näçe haky bardyr? Resul alaýhyssalam aýtdy: — Her wagt äri söhbet eder bolsa, ol hatyn «nefil-orazasynyň» wagty diýip hiç maýyl bolmasa näme etmeli? Ibn Abbas aýtdy: — Ärinden soraman hatyn «nefil-orazasyny tutsa, äriniň söhbetine maýyl bolmasa, hatyn "men oraza" diýse, şol sebäpli, äriniň köňli azar tapsa, Haktagala ol hatynyň nefil orazasyny (orazadan soňky 6 gün) kabul etmez. Resul alaýhyssalamyň wagtlarynda bir hatyn dünýäden ötdi. Enesi we äri bar eken. Enesiniň düýşüne girdi. Enesi görse gyzy başdan-aýagyna köýüpdir. Agzyndan gan akyp dur. Iki goluny otdan ýüp bilen baglap-dyrlar. Aýagyna otdan gandal salypdyrlar. Enesi aýtdy: — Eý, gyzym, bu ne haldyr? Ol hatyn aýtdy: — Eý, ene, başymy köýdürmeginiň sebäbi, bu başymy nämähremden ýaşyrmadym. Ot golumy köýdüreni, ärimden rugsatsyz kişä zat berdim, iki aýagymy otdan bolan zynjyr bilen bende edeni, ärimden soraman ol öýden çykdym. Eger hatyn ärinden emirsiz öýden çyksa, oňa äri razy bolmasa, bu hem ol duran hatyn dek bolar. Eý, ene, bu iki ýylan göwsümden dişläp azap berýär. Ol ärimden rugsatsyz kişiniň perzendine süýt berenim üçin. Bu meniň agzymdan gan akmagy, men ärime köp ýaman sözler aýdar-dym. Maňa çäre tapmazdy we hemişe menden närazydy. Eý ene, indi ärimi razy etseň gowy bolar. Resul Huda aýtdy: — Haktagalanyň bir ady Rehimdir. Her kim rehim etmese, Allatagala ol bendä rehim etmez. Olar aýtdy: — Ýa Resulalla, onuň ýaly bolsa men razy boldum- diýdi. Resul Huda ol äriň hatynyna köp dileg etdi. Ol gyzyň enesi öýüne geldi. Ol gije gyzyny düýşünde gördi kim, behiştde şat bolup ýör. Ol hatyn aýtdy: — Eý, ene, ärim razy bolandan soň Haktagala meni behişde girizdi. Özge günälerimi geçdi. Haktagala saňa we ärime rehmet etgeý. — Omyn. Ýa repbil el älemin!