(XII asyr) Talhatanbaba metjidi Marydan Baýramala gidýän ýoluň ugrundaky gadymy gonamçylykda, Soltangalanyň 30 km günorta-günbatarynda ýerleşýär. Ýadygärligiň gymmatlylygy onuň arhitekturasynyň arassa we oňat saklanandygyndan ybarardyr. Metjit birneme uzaldylan desga bolup (18 X 10 metr), onuň gümmeziniň dik aşagyndaky mährap giňişligi (7,30 X 7,30 metr) we iki gapdalynda iki sany sowa giňişligi bar. Sowa giňişlikleriň üstüni balhy gümmezi örtüpdir.Iki gubur metjidiň jaýynyň daşynda, onuň gündogar ýüzündäki inli arkanyň öňünde ýerleşdirilipdir. Bu arhitektura ýadygärligi bişen inedördül (25 X 25 X 5 santimetr) we dürli suratly figuraly kerpiçden nagyşly örümiň şekilini seçip almakda ussanyň oýlap tapyjylygy haýran galdyrýar. Bu metjit ilkinji gezek W.A. Žukowskiý tarapyndan 1890-njy ýyllarda ylmy dolanyşyga girizilipdir. Metjit 1950-nji ýylda arhitektor A.M. Pribytkowa tarapyndan jikme-jik barlanypdyr we ölçenipdir.