Toýly günler döwrümize mynasyp, Şeýle günde didarlaşmak hak nesip, Gelen myhmanlary bagryna basyp, Gujagyny giňden açýar Daşoguz, Arkadagym belent bolsun başyňyz! Ykballar oýanyp, ömür ýalkanyp, Uly-kiçi hoşallykdan galkynyp, Deňsiz-taýsyz goldawyňdan ýalkanyp, Ganat baglap göge uçýar Daşoguz, Arkadagym belent bolsun başyňyz! “ Sag bol, uzak ýaşa Arkadag!” diýşip, Halkyň tagzymyňa gelendir üýşüp, Ýurduň ösüşine goşandyn goşup, Wagt deňinden ozup geçýär Daşoguz, Arkadagym belent bolsun başyňyz! Göreşse pälwandyr, ýigitleň zory, Bagt lälesin kakýar gyzlaryň bary, Birleşdi ýürekleň kirşiniň tary, Bal dilinden dürler seçýär Daşoguz, Arkadagym belent bolsun başyňyz! Kyrk gulakly toý gazanlar hatara, Bugaryp dur çekdirmeli okara, Meger bu gün dil bitipdir dutara, Bagtyýarlyk suwun içýär Daşoguz, Arkadagym belent bolsun başyňyz! Buýsanjym egsilmez bagtyýar döwre, Gaýtalap-gaýtalap aýdýaryn öwre, Aşyk Aýdyň ussat, Nejmeddin Kubra, Mukaddeslik nurun guçýar Daşoguz, Arkadagym belent bolsun başyňyz! Döwrüň depesinde göwün guşumyz, “ Watan” diýip, gürsüldeýär döşümiz, Şowlabersin her bir eden işiňiz, Keremiňden ýalkym saçýar Daşoguz, Arkadagym belent bolsun başyňyz!