Edaly bol her ýerde, Edep başy haýadyr. Dik seretme her göze, Gyz gabagy gyýadyr. «Dars-dars» urma ädimiň, Yöreýşiň uzdan bolsun. Öz ýerinde gyş bolsun, Giň kalbyň ýazdan bolsun. Egin-eşik geýmekde Döwrebaplyk gowy zat. Ýöne çenden çykmany Kän halamaz adamzat. Her ýan bakyp alakjap, Öwser kimin öwüsme. Ýiti gyzyl göz gapar, Del zat görseň towusma. Darap, çugdamlapjyk goý, Saçyň kesmek hebesdir. Öňler ýoldan çykanyň Alyn saçy keslipdir. Gyz-gelne elmydam, Sabyrlylyk ýaraşýar. Duşuşykda gyz däl-de, Yigit gyza garaşýar. Alçak bolma, gaça bol, Erkek bilen deň bolma. Eneň gürläp otyrka, Hergiz sözüni bölme. Yeňňeň daşa çykanda, Dörjeleme bukjasyn. Süýde siňe seredip, Basyp ýörme ökjesin. Gagyldap ir oýanan, Garga göwni gyşdadyr. Işden sypynan gyzyň El hünäri - keşdedir. Janyň ýanyp dursa-da, Paýyş sözi ulanma. Aýak basyjy bolma Del kişiniň ulagna. Jahyl gözli ýigitden, Sowgat alma bahaly. Terezidir il gözi, Derrew berer bahaňy. Göwün mydam aladyr, Öz bagtyňy baglama. Sowlup geçip bagtyňdan, Geçdi diýip aglama. Gyz durkuna hiç wagt Yaraşmazmyş gedemlik. Päk ýüregiň elmydam Bolsun ýeke adamlyk. Tämiz bolsun niýetiň, Uly ýoldan sowulma. Tagma basyp kalbyňä, Jahyl dilde öwülme. Gelin-gyza ýaraşmaz, Gep-gybatdan daşda bol. Goluň çermäp il-günüň, Hyzmatynda başda bol. Timar berip özüňe Aýna kän bir seretme. Bolsa erkek doganyň, Güler ýüzün ýer etme. Iller synlap diýsinler: «Meniklije, edenli». Yüzüň gyzarmaz, bolsa -Gyz maşgala edepli A.Kakaýewa, şahyrana