Aşgabadyň ýollarynda “Segway” görnüşli elektrotigirlenijili gözegçi polisiýa işgärleri peýda boldy. Bu suratlar, hususan-da, internet ulgamyny peýdalanyjylar tarapyndan ýaýradyldy. Segway — sürüjiniň iki tarapynda ýerleşen goşa tekerli elektrotigirleniji Din Keýn tarapyndan oýlanyp tapyldy. Segway elektrotigirlenijisi gelejegiň ulag serişdesi hasaplanylyp, awtosazlaýjy gurluş esasynda işleýär. Aşgabatda segweýler ilkinji gezek “Berkarar” söwda-dynç alyş merkezinde peýda boldy. Bu merkeziň gorag gullugynyň işgärleri olary hereketleriň çaltlygyny üpjün etmek babatda ulanýarlar.