BIRAHAT ÝÜREK http://www.turkmenhh.org/2009/07/07/birahat-yurek/ Näme üçin aglaýaň gussaly ýürek. Sag-aman öreniňe begenmä derek. Durmuş girdabyna berk düşen bolsaň, Hudaýyň öňünde dyza çökmegiň gerek. Bu dünýäň gerdişine özüň oýnadyp, Baýlygyň yzynda gezdiň ganat galgadyp, Duzaga düşeňde galdyň aňňalyp, Çykalgany Rebden tapmagyň gerek. Ynsan gursagyňda nalap, perwana bolýaň. Kapasa düşen dek, her ýan urunýaň. Haraý gözläp daşyňa intizar bakýaň. Haraýy Hudaýdan gözlemäň gerek.