päkligiňi saklasaň, söýgi seni hor etmez. nämähreme bakmasaň, söýgi seni zar etmez. söýgi syrly duýgudyr, syryn çözmek gaýgydyr, duýgularyň beýgidir, peslere duçar etmez. söýgi hakyň sylagy, bendesiniň synagy, duşsa ýüze sylaly, mydam sezewar etmez. ýaşaýyşyň özeni, arşa çykar dözeni, ybrat alyp gezeni, syrdan bihabar etmez. kime ýuka öýmedir, kime öýke-kinedir, kime baky köýmedir, kime asla nar etmez. agla, ýüregim agla, göwnüňi bire bagla, şonuň bile adagla, başga seni ýar etmez.