Ýene penjireden ýollara garap, sahu-jemalyna berýär ol timar. Gol degmedik gül göwsüniñ üstünde tolkunjyrap ýatyr bir jübüt shamar. Owadan gyz ýanýar bir derde uchrap - wah, bir ýandan söýgi, bir ýandan ejap. Ne icheri sygýar, ne bir dashary, garashmakdan gyz takaty püre-pür. "heý, bolmazmy seniñ ýoluñ düsheri, heý, gelmezmiñ, hich bolmanda, günde bir?" gyzy basmarlaýar yzaly güzäp, wah, bir ýandan söýgi, bir ýandan ejap. Aýdyma hiñlense ejesi duýjak, hiñlenmese gyzyñ aglasy gelýär. Nädip gyz halyña ilki söz diýjek? Uýalýar gyz, öz-özünden uýalýar hem barýar tutashýan heserden eräp, wah, bir ýandan söýgi, bir ýandan ejap. Dabannyñ astynda aýlanýar zemin, depesinde mawy asman aýlanýar. Owadan gyz ne-hä däliräp bilýär, ne ýolugan bu derdinden aýñalýar. Iýip gelýär gyzyñ ýüregin myjap, wah, bir ýandan söýgi, bir ýandan ejap.