23-nji oktýabrda sagat 19:00-da Türkmenistanyň Magtymguly adyndaky milli sazly drama teatrynda Gaziza Žubanowa adyndaky Aktobe oblast filarmoniýasynyň sungat ussatlarynyň gatnaşmagynda «Dostluk ýoly» atly konsert geçiriler. Bu barada Gazagystanyň Türkmenistandaky ilçihanasynyň metbugat gullugy habar berýär. Konsertiň maksatnamasyna aşakdaky çykyşlar girýär: Ahmet Žubanow adyndaky gazak halk saz gurallary orkestri; «Akku» tans topary; «Dauys» wokal topary. Aýdym-saz agşamyň myhmanlaryna ýatdan çykmajak täsirler, milli sazlaryň baý owazlary we medeniýetleriň hakyky dostluk ruhuna beslenen ajaýyp sazlaşygy garaşýar. Konserte gatnaşmak hemme isleg bildirenler üçin açykdyr.