Aktýor Tom Kruza kinodaky tutuş karýerasynda iň uly prokat şowsuzlygy howp salýar. Bu barada «Variety» neşiri habar berdi. Neşir öz çeşmelerine salgylanyp, Alehandro Gonsales Inýarrituynyň aktýor Kruzuň baş keşbi janlandyran «Digger» («Gazyjy») ekologik komediýasynyň prokatda 245 million dollary toplap bilmejekdigini ýazýar. Ýagny film iki hepdede prokatda bary-ýogy 35 mln dollar toplady, çaklamalara görä, filmiň jemi kassa ýygymlary 50 mln dollar töweregi bolar. Önümçilikçi «Warner Bros.» studiýasy filmiň ýitgisiz bolmagy üçin 300 mln dollar kassa ýygymyny gazanmagynyň gerekdigini aýdýar. «Variety» öz gezeginde «Diggerden» girdeji almak üçin kän wagt gerek boljakdygyny belleýär. Filmde dünýäniň iň täsirli adamy adamzady öz döreden heläkçiliginden halas etmek kararyna gelýär.