Stambuly güýçli çabgalar aldym-berdime salýar, ýerli häkimiýetler eýýäm 1,3 müň öýi suwuň gark edengini we 15 süýşgüniň hasaba alnandygyny habar berdiler diýip, «news.by» ýazýar. 14 ýaşly ýetginjegi elektrik togy urup gurban boldy. Şäherde jemgyýetçilik ulaglary hyryn-dykyn, şäherde dyknyşyklar 90 göterime ýetdi, 40-dan gowrak uçar beýleki howa menzillerine ugradyldy. Mekdeplerde, edaralarda iş saklandy, adamlara öýlerinde galmak maslahat berildi. Ýagynlar öýleri, kärhanalary, ýollary we ýerasty geçelgeleri gark etdi. Suwuň güýçli akymy ulaglary syryp äkidýär. Bir aýal suwuň badyna tap getirip bilmän akyp gitdi, ony geçip barýan adamlar ýetişip halas etdiler. Tebigy hadysanyň netijelerini aradan aýyrmak üçin dessin gulluklaryň 8 müň töweregi işgäri işleýär. Häkimligiň sinoptikleriniň çaklamasyna görä, ýagyş ýekşenbe güni diňer. Stambulyň gubernatory ygalyň möçberine rekord derejede diýip, baha berdi.