Parahatçylyk boýunça Nobel baýragy Birleşen Milletler Guramasynyň öňki Ýokary komissary Nawanethem «Nawi» Pillaýa gowşuryldy. Bu barada baýragyň saýtyna salgylanýan «Gazeta.ru» habar berdi. Pillaý baýraga halkara hukugyny berkitmäge we parahatçylyga goldaw bermekdäki tagallalary üçin mynasyp boldy diýlip, baýragyň geňeşi yglan etdi. 2026-njy ýylda Nobeliň instituty parahatçylyk baýragyna 287 dalaşgäri hasaba aldy, olaryň 208-si aýratyn şahslar, 79-sy guramalardyr. Baýraga mynasyp bolar diýlip çak edilýänleriň hatarynda Sudandaky Gyssagly kömek beriş merkezi, ählumumy hyzmatdaşlygy ýola goýmakda işjeň tagallalary edýän Rim Papasy Lew XIV görkezilýärdi. Pillaý 1941-nji ýylda Günorta-Afrika Bileleşiginiň (1961-nji ýyldan Günorta-Afrika Respublikasy) Durban şäherinde ýaşaýan tamil hindileriniň maşgalasynda dünýä indi. Ol 1994-1999-njy ýyllarda GAR-yň Prezidenti, adam hukuklaryny goramak boýunça göreşiji Nelson Mandelany goldap çykyş etdi.