«Türkmenistan» awiakompaniýasy oktýabr we noýabr aýlarynda Aşgabat bilen Deliniň arasynda amala aşyryljak gatnawlar üçin petekleriň satuwyna başlady. Aşgabatdan uçarlar 17-nji we 24-nji oktýabrda, şeýle-de 4-nji, 11-nji, 18-nji we 25-nji noýabrda uçuşlary amala aşyrar. Deliden yzyna gaýdýan gatnawlar bolsa 12-nji, 19-njy we 26-njy noýabra meýilleşdirildi. Aşgabatdan Deli şäherine uçuş üçin petegiň bahasy 6 119,2 manat, Deliden Aşgabada uçuş üçin bolsa 6 114,8 manat. Petekleri awiakompaniýanyň resmi saýtyndan onlaýn satyn alyp bolýar. Deli — Hindistanyň paýtagty we ýurduň iň gadymy şäherleriniň biridir. Bu ýerde ÝUNESKO-nyň Bütindünýä mirasynyň sanawyna girizilen üç sany taryhy ýadygärlik ýerleşýär: ol ýerde Gyzyl fort, Kutub Minar minarasy we Humaýunyň mawzoleýi bar. Deliden birnäçe sagadyň dowamynda Täçmahal mawzoleýi ýerleşýän Agra şäherine, şeýle-de Jaýpur şäherine baryp bolýar. Bu üç şäher — Deli, Agra we Jaýpur — bilelikde «Altyn üçburçluk» diýlip atlandyrylýan meşhur syýahatçylyk ugruny emele getirýär.