Saud Arabystanynyň Tabuk howa menzilinde gyssagly gonan Flydubai uçarynyň uçarmanlary şikes alandyklary sebäpli hassahana ýerleşdirildi. Bu barada ýurduň «Al Arabiya» teleýaýlymy howa duralgasynyň metbugat gullugyna salgylanyp habar berdi. Öň metbugat serişdeleri howa gämisiniň baş uçarmanynyň BAE-niň, ikinji uçarmanyň Omanyň raýatlarydygyny habar berdiler. Düýn, çarşenbe güni Flydubai Boeing 737 MAX uçary iordan-saud serhedinde öwrüm edende, 7700 belgili howsala duýduryşyny beripdir, bu belgi halkara adatdan daşary ýagdaýy aňladýar. Saud Arabystanynyň üstünden uçup barýarka, ol uçaryň zamun alynmagyny ýa-da bikanun goşulyşmagy aňladýan gysga wagtlyk 7500 belgili duýduryşy beripdir. Uçarda 180 töweregi ýolagçy bar ekeni. Flydubai awiakompaniýasy waka uçuş wagty uçarmanlaryň arasyndaky ýakalaşmagyň sebäp bolandygyny habar berdi. «The Times of Israel» gazetiniň ýazmagyna görä, Flydubai uçarynyň ýolagçylary uçarmanlaryň birinji tyg ýarasyny alandygyny görüpdirler.