Günorta Afrika Respublikasynda (GAR) soňky 5 hepdede mpox ýokanjynyň (maýmyn mamasynyň) 13 adama ýokuşandygy hasaba alyndy. Bu barada «Anadolu» agentligine salgylanýan «news.by» habar berdi. Ýurduň Saglygy goraýyş ministrligi 17-nji sentýabrdan bäri bu keseliň 18 adamda tassyk bolandygyny we ýene bir adamda çak edilýändigini habar berdi. Kesellileriň umumy sanyndan 13-siniň 13-17-nji sentýabr aralygynda hasaba alynmagy ýokanjyň tiz ýaýraýandygyny çaklamaga esas berýär, olaryň 17-si erkekler, biri zenandyr. Bütindünýä Saglygy Goraýyş guramasynyň ýurda MVA-BN sanjymynyň we tekowirimat dermanynyň çäkli möçberini ýollandygy aýdylýar, olar ýokanjyň möwjemesini gözegçilikde saklamak üçin peýdalanylar.