Türkmenistanyň Maldarçylyk we guşçulyk senagaty döwlet birleşigi Birleşen Milletler Guramasynyň Azyk we oba hojalyk guramasy (FAO) bilen bilelikde oba hojalyk mallaryny hasaba almagyň we olaryň gelip çykyşyny yzarlamagyň Milli strategiýasyny döretmek boýunça taslamany durmuşa geçirýär. Işler taraplaryň ozal gol çeken ylalaşygynyň çäklerinde alnyp barylýar. Türkmenistanda oba hojalyk mallaryny hasaba almak ulgamyny ornaşdyrmak dowam edýär Taslama üçin synag meýdançasy hökmünde Ahal welaýatynyň Maldarçylyk we guşçulyk senagaty döwlet birleşiginiň düzümine girýän «Şa ýoly» maldarçylyk toplumy saýlanyp alyndy. Bu ýerde iri şahly mallaryň ýaş nesline tapgyrlaýyn usulda ýüzünde maglumatlar ýerleşdirilen tagmalary dakmak we çip goýmak işleri geçirilýär — häzirki wagtda mallary elektron çip bilen üpjün etmegiň ikinji tapgyry amala aşyrylýar. Türkmenistanda oba hojalyk mallaryny hasaba almak ulgamyny ornaşdyrmak dowam edýär Taslama mallaryň saglygyna gözegçiligi güýçlendirmäge we keselleriň öňüni almaga, weterinariýa hyzmatynyň hilini ýokarlandyrmaga hem-de ýurduň azyk howpsuzlygyny berkitmäge gönükdirilendir. Aýratyn wezipe bolsa maldarçylyk önümleriniň gelip çykyşyny yzarlamak we tassyklamak bolup durýar, bu bolsa pudagyň oba hojalygynyň beýleki ugurlary bilen has ýakyn bolmagyna ýardam etmelidir. Hasaba almak ulgamy mallar hakyndaky maglumatlary bir bitewi binýatda jemleýän sanly platforma bolup, bu weterinariýa gulluklarynyň, degişli edaralaryň, maldarçylyk birleşikleriniň we fermer hojalyklarynyň işini ýeňilleşdirer. Şuňa meňzeş platformalar dünýäniň barha köpelýän ýurtlarynda eýýäm ulanylýar. Bar bolan maglumatlara görä, geljekde taslamany Türkmenistanyň ähli maldarçylyk toplumlaryna ýaýratmak meýilleşdirilýär.