Şweýsariýanyň Hökümeti 2027–2028-nji okuw ýyly üçin döwlet talyp haky maksatnamasyna gatnaşmak üçin arzalary kabul edip başlady. Talyp haklaryna Şweýsariýanyň öňdebaryjy ýokary okuw mekdeplerinde we ylmy-barlag institutlarynda ylmy barlaglary geçirmek ýa-da doktoranturada okamak isleýän türkmenistanly ýaş hünärmenler dalaş edip biler. Dalaşgärler üçin esasy talaplar: Magistr derejesi ýa-da şoňa deň hünär derejesi; Ýaş çäklendirmesi: 1991-nji ýylyň 31-nji dekabryndan soň doglan bolmaly; Möhleti, esasy ugurlary we çäreleri görkezmek bilen ylmy gözlegiň jikme-jik meýilnamasy; Şweýsariýada ylmy ýolbaşçydan resmi goldaw haty. Eger arza beriji Şweýsariýada ýaşaýan bolsa: giriş senesi 2026-njy ýylyň 1-nji awgustyndan ir bolmaly däl. Grantyň çäklerinde aýlyk talyp haky, lukmançylyk ätiýaçlandyryşy, ýaşaýyş jaý kärendesiniň bölekleýin öwezini dolmak we ýol tölegleri üpjün edilýär. Gözleg tejribelikleriniň dowamlylygy 6 aýdan 12 aýa çenlidir. Resminamalary kabul etmek 2026-njy ýylyň 27-nji noýabryna çenli elektron görnüşde dowam edýär. Arzalary şu salgy boýunça tabşyryp bolar. Türkmenistanyň raýatlarynyň gatnaşmagy bilen bagly meselelere Şweýsariýanyň Bakuwdaky Ilçihanasy gözegçilik edýär. Has giňişleýin maglumatlary şu salgylanmadan tapyp bilersiňiz.