ABŞ-nyň suwda ýüzmek boýunça ýygyndy topary Irwaýnda (Kaliforniýa ştaty) geçirilýän Pan-Ýuwaş umman çempionatynda 4х100 metr aralyga garyşyk kombinirlenen estafetada täze dünýä rekordyny goýdy. Bu barada amerikan ýygyndysynyň saýtynda habar berilýär. Will Modglinden, Wan Matiasdan, Gretçen Wolşdan we Keýt Duglassdan ybarat topar 3 minut 36,70 sekunt netijäni görkezdi. Mundan öňki dünýä üstünligi hem (3.37,43) amerikanlara degişlidi — ol 2024-nji ýylda Parižde geçirilen Olimpiýa oýunlarynda goýuldy. Ikinji orny 3.39,30 netije bilen Awstraliýanyň ýygyndysy, üçünji orny kanadaly ýüzüjiler eýeledi (3.43,22). Irwaýndaky ýaryş 12-nji awgustdan 15-nji awgust aralygynda geçirilýär.