Portugaliýaly futbolçy Kriştianu Ronaldu bilen Jorjina Rodriges resmi taýdan nikalaşdy. Olar on ýyl bäri gatnaşyk saklaýarlar. Jübütler toý barada sosial torlarda nika ýüzükleriniň suratyny paýlaşyp habar berdi. Dabaraly çäre olaryň çagalarynyň gatnaşmagynda Portugaliýada ýapyk ýagdaýda geçirildi. Mundan öň Ronaldu bilen Rodrigesiň toýy iň köp maslahatlaşylýan temalaryň birine öwrüldi. Eýýäm geçen ýyl olaryň 2026-njy ýylyň tomsunda toý tutmakçydygy barada habarlar peýda bolupdy. Iýul aýynda internetde hatda çagyrylyp bilinjek myhmanlaryň sanawy hem ýaýrady, arasynda futbolçylar Rio Ferdinand, Winisius Žunior, Kilian Mbappe we Rodrigo, söweşijiler Konor Makgregor we Habib Nurmagomedow, aktýor Win Dizel, Ester Eksposito, Rianna, Jennifer Lopes, Dreýk, Trewis Skott, Pirs Morgan we bloger IShowSpeed agzaldy. Toýuň öňüsyrasynda tabloidlerde we sosial torlarda hakyky gowga başlandy — Ronaldunyň 8-nji awgustda futbolçynyň dogduk şäheri bolan Funşalyň kafedral ybadathanasynda Jorjina öýlenjekdigi jar edildi. Ýöne bu maglumatlar ýalan bolup çykdy. Muňa garamazdan, bellenilen günde şäher ybadathanasynyň ýanynda, takmynan, iki müňe golaý adam ýygnandy. Netijede, gelenler başga bir näbelli jübütiň toý dabarasyna şaýat boldular. Ronaldu we Jorjina 2016-njy ýylda Madridde, gyz «Gucci» dükanynda işleýän wagty tanşypdy. Soňra olaryň gatnaşyklary çynlakaý ýagdaýa geçdi, Rodriges bolsa futbolçynyň maşgalasyna goşulyp, onuň çagalaryna seretmäge kömek etdi. 2017-nji ýylyň noýabrynda olaryň bilelikdäki ilkinji gyzy Alana Martina doguldy. 2022-nji ýylyň aprelinde Rodriges ekiz çaga dünýä inderdi, emma ekizekleriň biri (Bella Esmeralda atly gyzjagaz) on iki süňňi abat doguldy, ogly Anhel bolsa aradan çykdy. «Bu islendik ene-atanyň başdan geçirip biljek iň uly agyrysy. Diňe gyzymyzyň dünýä gelmegi bize bu pursaty umyt we şatlyk bilen ýaşamaga güýç berýär» — diýip, Ronaldu sosial torlarda paýlaşypdy. Futbolçy 2023-nji ýyldan bäri Saud Arabystanynyň «Al-Nasr» toparynda çykyş edýär. Ol karýerasynyň köp bölegini «Real Madrid» (2009–2018-nji ýyllar) toparynda geçirdi. Topar bilen bilelikde iki gezek Ispaniýanyň çempiony boldy, iki gezek ýurduň Kubogyny gazandy, şeýle hem dört gezek Çempionlar ligasynda ýeňiji boldy. Mundan ötri, Ronaldu «Sporting», «Ýuwentus», «Mançester Ýunaýted» toparlarynda hem oýnady. Bäş gezek «Altyn topy» alan portugaliýaly hüjümçi tutuş futbol taryhynda, milli ýygyndylaryň, Ýewropa çempionatynyň, Çempionlar ligasynyň we Klublaýyn dünýä çempionatynyň taryhynda iň gowy bombardir hasaplanylýar.