Türkmenistanyň futbol boýunça Ýokary ligasynyň çempionatynyň 15-nji tapgyrynyň oýunlary 6-njy awgustda, penşenbe güni badalga alar. Tapgyryň ilkinji duşuşygy bolan «Arkadag» bilen «Merwiň» arasyndaky oýun milli çempionatyň ikinji aýlawynyň resmi açylyşy bolar. Duşuşyk Aşgabat şäherindäki «Nusaý» stadionynda geçiriler we sagat 18:15-de başlanar. «Arkadag» topary çempionatyň birinji aýlawynda ajaýyp çykyş edip, 14 oýnuň ählisinde ýeňiş gazandy. Wladimir Baýramowyň tälim berýän topary 42 utuk bilen ýaryş tertibiniň başyny ynamly çekýär we iň ýakyn bäsdeşinden 12 utuk öňde barýar. Türkmenistanyň futbol çempionatynyň ikinji aýlawy «Arkadag» – «Merw» klublarynyň duşuşygy bilen badalga alar Marynyň «Merw» topary üçin bu myhmançylykdaky duşuşyk çynlakaý synag bolar. Häzirki wagtda topar 14 utuk bilen dördünji orny eýeleýär. «Arkadag» kluby duşuşygyň esasy dalaşgäri hasaplansa-da, «Merw» ýaryş tertibiniň orta bölegindäki bäsdeşlerini özüne golaýlaşdyrmazlyk üçin utuk gazanmaga çalyşar. 15-nji tapgyryň esasy oýunlary 7-nji awgustda, anna güni üç duşuşyk bilen dowam eder. Esasy üns «Ahal» bilen «Altyn Asyryň» arasynda ikinji orun ugrunda dowam edýän bäsleşige gönükdiriler. Türkmenistanyň futbol çempionatynyň ikinji aýlawy «Arkadag» – «Merw» klublarynyň duşuşygy bilen badalga alar 30 utuk bilen ikinji orunda ýerleşýän «Ahal» Aşgabatdaky «Nusaý» stadionynda (18:15) «Köpetdagy» kabul eder. Myhmançylykda oýnajak topar häzirki wagtda 11 utuk bilen ýedinji orny eýeleýär. Meýdan eýelerine utuk ýitirmek bolmaýar, sebäbi olaryň üçünji orundaky topardan artykmaçlygy bary-ýogy bir utukdyr. Türkmenistanyň futbol çempionatynyň ikinji aýlawy «Arkadag» – «Merw» klublarynyň duşuşygy bilen badalga alar 29 utuk toplan «Altyn Asyr» hem «Ahalyň» yzyndan ýetip gelýär. Sagat 18:00-da Büzmeýin etrabyndaky «Sport toplumy» stadionynda «aragatnaşykçylar» «Aşgabat» topary bilen duşuşar. Myhmançylykda oýnajak topar üçin ýagdaý ýeňil däl: «Aşgabat» 10 utuk bilen ýaryş tertibiniň iň soňky ornunda ýerleşýär we şu möwsümde geçiren 14 duşuşygynyň 10-synda ýeňildi. Türkmenistanyň futbol çempionatynyň ikinji aýlawy «Arkadag» – «Merw» klublarynyň duşuşygy bilen badalga alar Türkmenbaşy şäherinde bolsa sagat 18:30-da ýaryş tertibinde goňşy orunlary eýeleýän «Şagadam» bilen Balkanabadyň «Nebitçisi» özara güýç synanyşar. Bu duşuşyk iki topar üçin hem uly ähmiýete eýedir. Häzirki wagtda «Nebitçi» 13 utuk bilen bäşinji, «Şagadam» bolsa 12 utuk bilen altynjy orunda ýerleşýär. Bu oýunda ýeňiş gazanan topar çempionatyň ikinji aýlawynyň başynda öz ýaryş tertibindäki ornuny ep-esli berkitmäge mümkinçilik alar.