Dünýä belli kinoaktýor Jeki Çan «Hudaýyň esbaplary 4» atly halkara başdengeçirmeler filminiň käbir sahnalarynda surata düşmek üçin Baku şäherine bardy. Bu barada «Kazinform» agentligi habar berdi. Agentligiň maglumatlaryna görä, aktýor Azerbaýjanyň paýtagtynda on gün töweregi bolar. Filmiň esasy surata düşüriliş ýeri Gazagystandyr. Ýurduň Mangistau we Almaty oblastlarynda filmiň käbir sahnalary düşürildi. Azerbaýjan Gazagystanyň teklibi boýunça film üçin ikinji ýurt hökmünde teklip edildi. Taslama Gazagystanyň hem-de Azerbaýjanyň gatnaşmagynda amala aşyrylýar, ol soňky ýyllarda Merkezi Aziýada we Günorta Kawkazda surata düşürilýän iň uly halkara kinotaslamalaryň biridir. «Hudaýyň esbaplary 4» meşhur filmler tapgyrynyň dowamy bolar. 13 ýyldan soňra Jeki Çan «Aziýa gyrgysy» lakamly meşhur gahrymanyň keşbini janlandyrýar. Filmi 2027-nji ýylda ekranlara çykarmak meýilleşdirilýär.