Fransiýanyň Louis Vuitton moda öýi 2026-njy ýylyň futbol boýunça FIFA dünýä çempionatynyň baş baýragyny getirip-äkitmek we köpçülige görkezmek üçin niýetlenen ýörite syýahat sandygyny tanyşdyrdy. Kompaniýa FIFA 2026 dünýä çempionatynyň resmi brend hyzmatdaşlarynyň we doly ygtyýarly ygtyýarnama eýeleriniň biri hökmünde sport dünýäsindäki iň meşhur baýraklaryň biri hasaplanýan dünýä çempionatynyň kubogyny getirip-äkitmek we görkezmek üçin niýetlenen resmi ýörite taýýarlanan sandygy hödürledi. FIFA-nyň habar bermegine görä, Louis Vuitton şeýle ýörite sandyklary 2010-njy ýyldan bäri geçirilýän her bir dünýä çempionaty üçin taýýarlaýar. Louis Vuitton FIFA 2026 dünýä çempionatynyň kubogy üçin ýörite gapyrjak taýýarlady Sandyk tutuşlygyna elde ýasalyp, Parižiň taryhy etegindäki Anýer-sýur-Sen şäherçesindäki Louis Vuitton moda öýüniň ussahanalarynda taýýarlanylýar. Bu ussahanalar XIX asyrdan bäri işläp gelýär. Louis Vuitton FIFA 2026 dünýä çempionatynyň kubogy üçin ýörite gapyrjak taýýarlady Däp bolşy ýaly, 2026-njy ýylyň futbol boýunça dünýä çempionatynyň final duşuşygynda kubok Louis Vuitton moda öýüniň ilçisiniň we FIFA-nyň rowaýata öwrülen futbolçysynyň getirmeginde meýdança çykarylar. Bu özboluşly düzgün 2010-njy ýyldan bäri saklanyp gelýär. Mundan başga-da, Louis Vuitton kubok üçin taýýarlanan sandygynyň dizaýnyndan ylham alnyp döredilen üç sany önümiň çäkli ýygyndysyny hem hödürleýär.