Türkmenistanyň Söwda we daşary ykdysady aragatnaşyklar ministrligi şeker satyn almak boýunça bäsleşik yglan etdi. Bu baradaky bildiriş «Biznes reklama» gazetiniň şu günki sanynda çap edildi. «Türkmenistanyň Söwda we daşary ykdysady aragatnaşyklar ministrligi şeker azyk harydyny satyn almak boýunça çäklendirmesiz gatnaşmak arkaly bäsleşik yglan edýär» diýlip, bildirişde bellenilýär. Bäsleşige gatnaşmaga isleg bildirýänler gerekli resminamalary, üpjün etmek boýunça esasy şertler baradaky maglumatlary bildiriş metbugatda çap edilen gününden başlap, 30 günüň dowamynda Türkmenistanyň Söwda we daşary ykdysady aragatnaşyklar ministrliginden ýüztutmalar esasynda alyp bilerler. Resminamalar 2026-njy ýylyň 1-nji awgustyna, sagat 17:00-a çenli şu aşakdaky salgy boýunça kabul edilýär: Aşgabat şäheri, Arçabil şaýoly, 52, Söwda toplumynyň binasy, Türkmenistanyň Söwda we daşary ykdysady aragatnaşyklar ministrligi. Habarlaşmak üçin telefon belgiler: 44 64 21 / 44 62 44; faks: 44 65 08 e-mail: sowda.min.12@online.tm