«Volkswagen» kompaniýasynyň edarasynyň pikiri soraşylan agzalarynyň köpüsi konserniň ýagdaýyny howp astynda diýip hasaplaýarlar. Bu barada «Manager Magazin» žurnalynyň kompaniýanyň ýolbaşçy düzüminiň arasynda geçiren pikirsoraşmasynyň jemlerine salgylanýan «Bild» neşiri ýazýar. Pikiri soraşylan ýolbaşçylaryň onusyndan altysy «Volkswagen Group» toparynyň häzirki ýagdaýyna batmak howpy astynda diýip baha berdiler. Ýene üçüsi dartgynly diýip baha berdi. Kompaniýanyň ýagdaýy üçin ynjalyksyzlanmaga esas ýok diýip hiç kim hasaplamaýar. Netijede, pikirsoralyşyga gatnaşyjylar konserniň işine düýpli gaýtadan seretmeli diýen pikiri öňe sürdüler. «Volkswagen» kompaniýasynyň Hytaýdaky we Demirgazyk Amerikadaky iş ugurlaryna tankydy garaýyşlar has köp. Pikirsoralyşyk kompaniýanyň maliýe görkezijileriniň ýaramazlaşmagy bilen bagly geçirildi. 2026-njy ýylyň birinji çärýeginde onuň girdejileri 28,4 göterim, ýyllyk aňlatmada 1,56 milliard ýewro çenli azaldy. Awtoulaglaryň ýanwar-mart aralygyndaky söwdasy 4 göterim (2,05 mln ýewro çenli) azaldy.