Forbes žurnalynyň şu ýylky iň köp hak tölenýän türgenler boýunça reýtingi sportuň rowaýaty türgenleriniň 40 ýaşdan soň hem ýaş super ýyldyzlardan köp pul gazanýandygyny görkezdi. Portugaliýaly futbolçy Kriştiano Ronaldo yzygider dördünji ýyl we karýerasynda altynjy gezek sanawda birinji orny eýeledi we 2026-njy ýylda 300 million dollar gazandy. Ol geçen ýyl öz goýan futbol rekordyndan (275 million dollar) hem geçdi. Geçen ýyl dünýäniň iň köp aýlyk alýan 50 türgeni bilelikde, salgytlardan we agentlik töleglerinden öň, jemi 4,1 milliard dollar gazanypdyr. Bu möçber türgenleriň 2025-nji ýylda gazanan rekord 4,2 milliard dollaryndan çala az, ýöne bary-ýogy dokuz ýyl mundan ozalam bu san iki esse azdy (2017-nji ýylda 1,9 milliard dollar). Ronaldodan başga-da, ýene iki türgen öz sport görnüşlerinde täze girdeji rekordlaryny goýdular. Şeýlelikde, “Los-Anželes Dojers” beýsbol klubynyň oýunçysy Şýoheý Otani MLB-niň rekordyny 127,6 million dollara galdyrdy. Ol her oýun üçin bary-ýogy 2,6 million dollara golaý girdeji gazandy, galan girdejisi mahabatlardan, ygtyýarnamalardan, sowgatlyk harytlardan we hyzmatdaşlyklardan geldi. “Ferrari” toparynyň sürüjisi Lýuis Hemilton “Formula-1-iň” 100 million dollar girdeji gazanan ilkinji sürüjisi boldy, girdejiniň bu görkezijisine professional şertnamalardan, şeýle-de mahabatlardan we ýaryşlardan daşgary beýleki işewürlik taslamalaryndan gelýän girdejiler girýär. Ilkinji onluga 41 ýaşly üç türgen girdi - Ronaldodan we Hamiltondan başga-da, "Los-Anželes Leýkersiň" basketbolçysy Lebron Jeýms hem girdi. Gyzykly tarapy, Forbes-iň iň gowy 50-ligine girmek häzir uly ýaryşda ýeňiş gazanmak ýaly kyn. Reýtinge girmek üçin iň pes dereje 54,6 million dollara çenli ýokarlandy — on ýyl mundan ozal bu mukdaryň takmynan ýarysy ýeterlikdi. Şonuň üçin iň köp aýlyk alýan 50 türgeniň arasynda zenan ýok. Iň köp aýlyk alýan türgen, tennis ýyldyzy Koko Gauffdyr, ol 2025-nji ýylda takmynan 33 million dollar gazandy. "Elita" giren iň soňky zenan Serena Wilýams boldy, ol 2023-nji ýylda 45,3 million dollar girdeji bilen 49-njy orny eýeledi. Basketbol wekilleriň sany boýunça reýtingde öňdeligi eýelemegini dowam etdirýär. 2012-nji ýyldan bäri ilkinji gezek NBA-nyň oýunçylary ilkinji 50-ligiň 20 ornuny eýelediler. Ondan soň aşakdakylar gelýänler: NFL (amerikan futboly) - 9 türgen; futbol - 7; golf - 4; “Formula-1” - 3; MLB — 3; boks - 2; tennis - 2. Kriket, NASCAR ýaryşy we NHL ýaly beýleki sport görnüşlerinde bu ýyl hiç bir türgen wekilçilik etmeýär. 2026-njy ýylyň iň köp hak tölenýän 10 türgeni aşakdakylardan ybarat: Saul Alwares (boks) - 170 million dollar; Lionel Messi (futbol) - 140 million dollar; Lebron Jeýms (basketbol) - 137,8 million dollar; Sýoheý Otani (beýsbol) - 127,6 million dollar; Stefen Karri (basketbol) - 124,7 million dollar; Jon Ram (golf) - 107 million dollar; Karim Benzema (futbol) - 104 million dollar; Kewin Dýurant (basketbol) - 103,8 million dollar; Lýuis Hemilton (“Formula-1”) - 100 million dollar.