Türkmenistanyň Ýaponiýadaky ilçihanasy resmi web sahypasynda 2027-nji ýyl üçin MEXT stipendiýa maksatnamalaryna gatnaşmak isleýän daşary ýurtly talyplardan arzalaryň kabul edilip başlanýandygyny habar berdi. MEXT stipendiýa maksatnamalary Ýaponiýanyň hökümeti tarapyndan maliýeleşdirilýär we bakalawr derejesini, aspiranturany (ylmy-barlag maksatnamalaryny), hünär-tehniki bilimi hem-de ýöriteleşdirilen okuw kollejlerini öz içine alýar. 2027-nji ýyl üçin MEXT maksatnamasyna kabul edilmek boýunça synaglar iýun aýynda geçiriler. Okuwyň ugurlary we arza tabşyrmagyň şertleri barada giňişleýin maglumat bilen ilçihananyň resmi saýtyna girip, tanşyp bolýar.