Indoneziýanyň Günbatar Kalimantan ülkesiniň Sekadau okrugynda radarlardan ýiten «Airbus H130» dikuçary tapyldy, ondaky adamlaryň ählisi gurban boldy. Bu barada «Reuters» habarlar gullugyna salgylanýan «Gazeta.ru» habar berdi. Indoneziýanyň Milli gözleg-halas ediş agentliginiň ýolbaşçysy Mohammad Sýafi dikuçaryň gür bagly baýyrlykda ýykylandygyny habar berdi, onda alty ýolagçy hem-de ekipažyň iki agzasy bar ekeni. Ýerli «Matthew Air Nusantara» awiakompaniýasynyň dikuçary 16-njy aprelde gündiz sebitdäki iki ilatly ýeriň arasynda gatnawy amala aşyrýarka, heläkçilige uçrapdyr. Asmana galandan birnäçe wagt soňra onuň bilen aragatnaşyk kesilipdir.