«Super Mario: Galaktika kinosy» multfilminiň ilkinji dynç günlerinde gazanan girdejisi 373 million dollara ýetdi diýip, «Variety» neşiri habar berýär. Nintendo franşizasy boýunça düşürilen bu multfilm 2026-njy ýylda başlangyç kassa ýygymlary boýunça rekord goýdy. Ol diňe 2023-nji ýyldaky birinji bölüminden az-kem yza galdy, şol wagt bu multfilm görkezilip başlananda 375 million dollar gazanypdy. 100 million dollarlyk býujeti bolan bu taslama eýýäm çykdajyny doly ödedi we peýda getirip başlady. Bilermenler bu täze filmiň 1 milliard dollarlyk sepgitden ynamly geçjekdigini çaklaýar, ýöne birinji bölümiň 1,36 milliard dollarlyk rekordynyň täzelenmezligi mümkin. Filmiň dowamyndaky wakalar gahrymanlaryň kakasyny azat etmäge we patyşalygy basyp almaga çalyşýan Bouzer kiçi bilen gapma-garşylygyna gönükdirilendir. Tankytçylaryň, esasan, oňyn däl pikirlerine garamazdan, filmiň gazanan uly üstünligi tomaşaçylaryň bu bölüme bolan gyzyklanmasynyň durnuklydygyny tassyklaýar.