Bütindünýä Meteorologiýa Guramasynyň hasabatyna görä, 2025-nji ýyl taryhda iň yssy ýyllaryň biri bolup, bu görkeziji boýunça ikinji ýa-da üçünji orunda durýar. Ýer ýüzüniň ortaça temperaturasy senagatdan öňki 1850–1900-nji ýyllar aralygyndaky derejeden takmynan 1,43 dereje ýokary boldy. 2024-nji ýyl iň yssy ýyl bolmagynda galýar, şonda bu görkeziji 1,55 dereje bolupdy. 2015-nji ýyldan 2025-nji ýyla çenli döwür soňky 11 ýylyň iň yssy döwri diýip ykrar edildi. Hasabatda ilkinji gezek Ýeriň energiýa deňagramlylygynyň bozulmagynyň görkezijisi - gelýän we çykýan energiýanyň arasyndaky tapawut berildi. Ol 65 ýylyň içinde iň ýokary derejä ýetdi. Kömürturşy gazynyň, metanyň we azot oksidiniň konsentrasiýalary soňky 800 000 ýylyň içinde iň ýokary derejä ýetdi. Artykmaç ýylylygyň 91% -den gowragyny umman özüne siňdirýär. "Global howa adatdan daşary ýagdaýdadyr. Ýer planetasy öz mümkinçilikleriniň çäginden çykýar. Howanyň ähli esasy görkezijileri howsala salýar" - diýip, BMG-niň Baş sekretary Antonio Guterriş belledi.