ABŞ-nyň zähmet bazarynda uniwersitetleri täze tamamlan uçurymlar üçin ýagdaý düýpli ýaramazlaşdy. Nýu-Ýorkuň Federal Ätiýaçlyk Bankynyň (FRB) hasabatyna görä, 2025-nji ýylyň dekabrynda bu toparda işsizlik derejesi 5,6%-e ýetdi. Ýylyň başynda bu görkeziji 4,8% bolupdy. Bilermenler häzirki işe kabul ediş şertlerini 2003-nji ýyldan bäri iň kyn döwür diýip häsiýetlendirýärler. Işsizlik derejesi hünär ugurlaryna görä tapawutlanýar. Işsizligiň iň ýokary görkezijisi antropologlarda hasaba alnan — takmynan 8%. Şekillendiriş we ýerine ýetiriji sungat ugurlarynda işsizlik 6%-den ýokary. Kompýuter inženerçiligindehem işsizligiň 6%-den ýokary bolmagy tehnologiýa sektory (IT) üçin täze we gowşaklyk duýdurýan yşarat boldy. Işsizlik artan hem bolsa, IT ugurlarynyň uçurymlary döredijilik hünärlerine garanyňda has amatly ýagdaýda galýarlar. Doly däl iş üpjünçiligi (hünärmeniň ýokary bilim talap etmeýän işlerde işlemesi ýa-da islegine garşy gysgaldylan iş tertibinde bolmagy) boýunça tapawutlar uly: inženerlerde doly däl iş üpjünçiligi 20%-den az. Döredijilik hünärlerinde bu görkeziji 50%-den geçýär. "Kompýuter hünärleri boýunça işsizlik artsa-da, olaryň doly däl iş üpjünçiligi sungat hünärlerine garanyňda has gowy ýagdaýda galýar" diýip, Glassdoor guramasynyň baş ykdysatçysy Deniel Çžaonyň belleýär.