Germaniýada Toyota we Lexus markalarynyň mobil goşundylarynda hereketlendirijini uzak aralykdan otlamak funksiýasy öçürildi. Bu çäklendirme diňe benzin bilen işleýän awtoulaglara degişli bolup, Bild neşiriniň habaryna görä, üýtgeşme müňlerçe ulag eýesine täsir etdi. Toyota we Lexus kompaniýalarynyň wekilleri bu funksiýanyň merkezi ulgam arkaly öçürilendigini tassykladylar. Beýle kararyň esasy sebäpleri - ýerli kanunçylyk ýaşaýyş nokatlarynda awtoulagyň hereketlendirijisini boş duran ýerinde işledip gyzdyrmagy gadagan edýär. Karar şeýle hem daşky gurşawy goramak we artykmaç gaz çykarylyşynyň öňüni almak maksady bilen düşündirilýär. Galyberse-de, hereketlendirijiniň sesi we gazlary ýaşaýyş jaýlarynyň golaýynda goşmaça bökdençlik döredýär. Uzakdan otlamak funksiýasy ýatyrylandan soň, benzinli ulaglaryň eýeleri salony öňünden gyzdyryp ýa-da sowadyp (klimat-kontrol) bilmeýärler. Emma bu çäklendirme elektromobiller we gibridler üçin degişli däl. Bu ulaglar salony içinden ýandyrylýan hereketlendirijisini işletmezden, diňe elektrik energiýasynyň hasabyna gyzdyryp bilýändigi üçin gadagançylyga degişli däl. Hünärmenler uzakdan otlaýyş ulgamynyň ýerine Webasto ýaly özbaşdak işleýän awtonom gyzdyryjylary gurnamagy maslahat berýärler. Bu enjamlar göni hereketlendirijini işletmezden salony gyzdyrmaga mümkinçilik berýär we olar Germaniýadaky täze gadagançylygyň täsirine düşmeýärler.