Türkmenistanyň kiokuşinkaý karate boýunça milli ýygyndy topary Arkalaşyk kubogy ugrundaky ýaryşa gatnaşýar. Ýaryş 19-21-nji dekabr aralygynda Özbegistanyň Nawoýy şäherinde geçirilýär. Meýlis Paşagulyýewiň ýolbaşçylygyndaky toparyň düzümine üç türgen girdi. Sebitara ýaryşda türkmen söweş sungaty ussatlaryna Ýewropadan, Aziýadan we Afrikadan gelen güýçli türgenler garşylyk görkezerler. Milli ýygyndy toparymyzyň agzalary bu halkara ýaryşyna ugramazdan ozal, taýýarlyk tapgyrynyň çäklerinde ýokary derejeli türgenleşikleri geçdiler.