2025-nji ýylyň 20-22-nji noýabrynda Balkanabat şäheriniň köpugurly söwda merkezinde Eýran Yslam Respublikasynyň Gülüstan welaýatynyň eksport mümkinçilikleriniň ýöriteleşdirilen sergisi geçiriler. Çäräniň guramaçysy bolup Türkmenistanyň Söwda-senagat edarasy çykyş edýär. Sergi EYR-nyň Gülüstan welaýatynyň eksport mümkinçiliklerini görkezmek we iki goňşy döwletiň arasynda syýasy-ykdysady gatnaşyklaryny has-da pugtalandyrmak maksady bilen geçirilýär. Sergä Gülüstan welaýatynyň öňdebaryjy önümçilik işewürleri gatnaşýar. Türkmen işewürleri, maýadarlary, gyzyklanma bildirýän ähli adamlar sergide hyzmatdaşlyk gatnaşyklaryny açmak üçin mümkinçilik alar.