Prezident Serdar Berdimuhamedow hanym Ketrin Konnollä Irlandiýayň Prezidenti wezipesine girişmegi mynasybetli tüýs ýürekden gutlaglaryny iberdi. Döwlet Baştutany mümkinçilikden peýdalanyp, Prezident Ketrin Konnollä berk jan saglyk, bagtyýarlyk, Irlandiýanyň mundan beýläk-de öňe gitmeginiň we gülläp ösmeginiň bähbidine alyp barjak işlerinde uly üstünlikleri arzuw etdi. 11-nji noýabrda Ketrin Konnolli Dublindäki galada geçirilen dabarada resmi taýdan kasam kabul etdi. 68 ýaşly Konnolli hünäri boýunça hukukçy we psiholog, oktýabr aýynyň ahyrynda geçirilen saýlawlarda 63% ses alyp, ynamly ýeňiş gazandy. Ol 2011-nji ýyldan bäri prezident wezipesini eýeläp gelen Mikael D.Higinsiň ornuny tutdy.