World Population Review 2025-nji ýyl üçin dünýä ýurtlarynda iş hepdesiniň ortaça dowamlylygy barada deslapky maglumatlary çap etdi. Reýting Halkara zähmet guramasynyň (ILO) we Ykdysady hyzmatdaşlyk we ösüş guramasynyň (OECD) maglumatlaryna esaslanýar. Hasaplamalarda doly we bölekleýin işde işleýän işgärler hem-de özbaşdak zähmet çekýän adamlar hem göz öňünde tutulypdyr. Maglumatlara görä, iň gysga iş hepdesi şu ýurtlarda hasaba alyndy: Ýemen — 25,9 sagat, Niderlandlar — 26,8 sagat, Norwegiýa — 27,1 sagat, Awstriýa — 28,4 sagat. Iň uzak iş hepdesi bolsa şu ýurtlarda bellenildi: Butan — 54,5 sagat, Sudan — 50,8 sagat, Lesoto — 50,2 sagat, Kongo Respublikasy — 48,7 sagat, BAE — 48,4 sagat, San-Tome we Prinsipi — 48,2 sagat. Şeýlelikde, 2025-nji ýylda dünýä ýurtlaryndaky iş wagty boýunça tapawutlar örän uly bolup galýar.