LEGO kompaniýasy Bred Pitt bilen Damson Idrisiň baş keşpleri ýerine ýetirmeginde çykan “F1” filmine bagyşlanan täze toplumy görkezdi. Toplum 268 bölekden ybarat bolup, ýaryş awtomobilini, şeýle-de baş gahrymanlaryň kiçi heýkeljiklerini: Sonni Heýsi (Bred Pitt) we Joşua Pirsi (Damson Idris) öz içine alýar. Toplum 2026-njy ýylyň 1-nji ýanwarynda satuwa çykarylar. Onuň bahasy 27,99 dollara barabar. LEGO meşhur filmlerden we seriallardan ylham alan kolleksiýa toplumlaryny yzygiderli çykarýar. Ýakynda kompaniýa Megazordyň modelini – “Güýçli reýnjerler” franşizasyndan uly robot transformeri hödürledi. “F1” filminiň özi iýulyň başynda Apple TV-de iň köp girdeji gazanan taslama boldy. Onuň girdeji ýygymy Ridli Skottyň “Napoleon” (221 mln dollar) we Martin Skorsezeniň “Gül Aýynyň ganhorlary” (158 mln) filmleriniň görkezijilerinden geçdi.