Wayback Machine (Web.archive) arhiwinde saklanyp galnan web-sahypalaryň sany 1 trilliona ýetdi. Bu barada Internet Archive täjirçilik däl guramasy öz blogunda habar berdi. Wayback Machine topary bu wakany 22-nji oktýabrda belledi: guramanyň San-Fransiskodaky ştab-kwartirasynda islendik adam üçin onlaýn ýaýlyma berlen dabara gurnaldy. “Bu ýönekeý bir baýramçylykdan uly zat, bu biziň bilelikde guran zadymyza: Bütindünýä kerebiniň mugt we açyk sanly kitaphanasyna hormatdyr” – diýlip, habarda aýdylýar. Internet Archive 1996-njy ýylda amerikaly programmist Brýuster Keýl tarapyndan döredildi. Wayback Machine hyzmaty 2001-nji ýylda işe girizildi. Ol ähli açyk interneti arhiwleýär we dürli döwürlerde saýtlaryň wersiýalaryny deňeşdirmäge mümkinçilik berýär.