Toyota Demirgazyk Amerikanyň bazary üçin awtomobil hataryny düýpli täzelemegi göz öňünde tutýar. Hususan-da, 2028-nji ýylda kompaniýa täzelenen Camry, Land Cruiser 250 (ABŞ-da model diňe Land Cruiser diýlip atlandyrylýar) we 4Runner ulaglaryny hödürlär diýip, Automotive News ýazýar. Çeşmäniň maglumatlaryna görä, üýtgeşmeler, esasan, daşky dizaýn bilen bagly bolar, hereketlendirijiler bolsa öňküligine galyp biler. 2027-nji ýyla çenli Toyota düýbünden täze Corolla-ny hödürlär. Wodorod ýangyjynda işleýän Mirai 2028-nji ýyla çenli häzirki dizaýnyny saklar. 2026-njy ýylda täzelenen Crown fastbegi hödürlener, 2027-nji ýylda bolsa Tesla Model S bilen bäsleşip biljek, ýöne arzan boljak uly elektrik sedany çykar. Ol hytaý bazary üçin bZ7 modeliniň esasynda gurlup bilner.