Google I/O konferensiýasynyň öňüsyrasynda ýörite çäre geçirildi. Onda kompaniýa 3 milliarddan gowrak smartfonlarda we planşetlerde gurnalan Android operasion ulgamynyň täzelenmesini resmi taýdan hödürledi. Täze dizaýn Material 3 Expressive stiline esaslanýar we Android 16-da peýda bolar. Ilkibaşda ol Pixel smartfonlarynda elýeterli bolar. Google bu täzelenmäni “soňky ýyllarda iň uly redizaýn” diýip atlandyrýar. Interfeýs has ýiti reňkleri, aýlawly şekilleri, animasiýalary we kämilleşdirilen nawigasiýany öz içine alýar. Işläp düzüjiler interfeýsi has ýönekeý, özüne çekiji we amatly etmäge çalyşdy. Android 16-da täze “janly we ýumşak” animasiýalar peýda bolar. Netijede, programmalaryň ýapylyşy, sesiň sazlanmagy we beýleki hereketler başgaça görner. Şeýle-de, indi habarnamalar paneliniň, sazlamalaryň we bir programmadan başga bir programma geçmegiň fony biraz bulaşyk bolar. Google-yň bellemegine görä, bu kabul edişi ýeňilleşdirýär. Mundan başga-da, ýokarky setirde täze nyşanjyklar peýda boldy, At a Glance wijeti bolsa has ykjam boldy. Täze stil ýagdaýa görä sazlanýan elementleri, has aýdyň daşky görnüşi we fona baglylykda reňkleri üýtgedýän temalary öz içine alýar. Google-yň aýtmagyna görä, bu üýtgeşmeler gurluşyň iş wagtyna täsir etmeýär. Beýleki täze funksiýalaryň arasynda şular bar: ·Live Updates – bu eltip bermek ýa-da taksi hyzmatlary ýaly programmalardan hakyky wagtda gelýän habarlar. Işjeň ekranda Live Updates belligine basyp, sargyt barada giňişleýin maglumaty görmek bolýar. ·Telefon özara galtaşykda, mysal üçin, gelen habarnama bozulan ýagdaýynda ýeňil wibrasiýa berer. Onuň gapdalynda ýerleşen habarnamalar bolsa gysga animasiýa bilen seslener. ·Professional kamera funksiýalary (gijeki režim, takyk reňk sazlamasy we APV-wideoformat); ·Täze howpsuzlyk serişdeleri: Advanced Protection, telefon ogurlanan ýagdaýynda funksiýalaryň öçürilmegi. Smart-sagatlar üçin Wear OS 6 täzelenmesi çykdy, onda tegelek ekranlara gabat gelýän dizaýna, owadan animasiýalara we iş wagtynyň 10% uzaldylmagyna üns berildi. Gemini emeli aňy tutuş Android ekoulgamyna birleşdiriler: ·Wear OS-da – el degirmezden ses arkaly dolandyryş üçin; ·Android Auto – zarýad beriji enjamlary gözlemek, habar rezýumeleri, ugur boýunça teklipler üçin; ·Google TV – ýaş boýunça maslahatlar, YouTube üçin; ·XR garnituralarynda – Samsung bilen hyzmatdaşlykda. Mundan başga-da, emeli aň howpsuzlygy ýokarlandyrmak üçin ulanylar: ol habarlarda we jaňlarda kezzaplygy anyklamaga hem-de şübheli jaňlarda bank programmalaryny goramaga kömek eder.