Ultimate Fighting Championship (UFC) promouşeniniň metbugat gullugy 2025-nji ýylyň 16-njy awgustynda Çikago amerikan şäherinde geçiriljek UFC 319 ýaryşynyň esasy söweşini yglan etdi. Agşamyň esasy wakasynda orta agramda (84 kg çenli) UFC-niň çempiony, günorta afrikaly Drikus dýu Plessi ýeňilmedik dalaşgär Hamzat Çimaýew bilen duşuşar. Öň dýu Plessi öz titulyny UFC 317-de Çimaýewe garşy söweşde gorar diýlip garaşylypdy. Soňra günorta afrikaly söweşijiniň şikes alandygy barada habar peýda boldy. Ýatlap geçsek, Çimaýew soňky söweşini 2024-nji ýylyň oktýabrynda geçirdi we onda orta agramda UFC-niň öňki çempiony Robert Uittakeri birinji raundda demikdiriji usul bilen ýeňdi. Drikus soňky söweşini 2025-nji ýylyň fewral aýynda geçirdi we emin agzalarynyň biragyzdan karar bermeginde bu agramda öňki çempion Şon Striklendi ýeňdi.