Küşt boýunça dünýäniň on altynjy çempiony, norwegiýaly Magnus Karlsen Grenke ýyllyk küşt festiwalynyň çäklerinde Germaniýanyň Karlsrue şäherinde geçirilen Grenke Freestyle Chess Open 2025 ýaryşynyň ýeňijisi boldy. 21-nji aprelde ýaryşyň soňky gününde ol iki döwde-de utup (format – 90 minut we göçüm üçin goşmaça 30 sekunt), ýaryşy dokuz tapgyryň jemi boýunça 9 utuk bilen tamamlady. Onuň yzyndan 7 utuk bilen ýedi oýunçy ýerleşdi. Bu ýeňiş üçin Karlsen 60 müň ýewro we 2025-nji ýylyň iýulynda Las-Wegasda geçiriljek indiki ýaryşa ýollama gazandy. Umumy baýrak gaznasy 225 müň ýewro boldy, iň gowy 10 gatnaşyjy Freestyle Chess Tour-yň umumy sanawynda utuk gazandy.