28-nji iýunda ABŞ-nyň Anaheým şäherinde meşhur bloger Jeýk Pol bilen öňki dünýä çempiony Hulio Sezar Çawes-kiçiniň arasynda boks söweşi geçiriler. Bu barada DAZN teleýaýlymy habar berdi. 2024-nji ýylyň noýabrynda geçen soňky söweşinde Jeýk Pol emin agzalarynyň biragyzdan karar bermegi bilen 58 ýaşly Maýk Taýsondan üstün çykypdy. Hulio Sezar Çawes-kiçi geçen ýylyň iýulynda bolan soňky söweşinde UFC-niň öňki söweşijisi Ýuraýa Holl bilen duşuşdy. Söweş alty raunddan soň emin agzalarynyň biragyzdan karar bermeginde Çawesiň ýeňiş gazanmagy bilen tamamlandy.