2025-nji ýylyň ýanwar — fewral aýlarynda Türkmenistan bilen Azerbaýjanyň arasyndaky söwda dolanyşygy 50 million amerikan dollaryndan gowrak boldy. Bu barada Azerbaýjanyň Döwlet gümrük komitetine salgylanyp, «Report» habar berdi. Neşiriň ýazmagyna görä, şu ýylyň deslapky iki aýynda türkmen-azerbaýjan söwda dolanyşygy 50,5 million amerikan dollaryna deň boldy. Şonuň 43,8 million amerikan dollary Türkmenistanyň eksportunyň, 6,7 million amerikan dollary bolsa importunyň paýyna düşýär. Hasabat döwründe iki ýurduň özara söwdasy geçen ýylyň degişli döwri bilen deňeşdirilende, 31,7 göterim azalypdyr. Ýeri gelende ýatlatsak, mundan ozal 2024-nji ýylda Türkmenistan bilen Azerbaýjanyň arasyndaky söwda dolanyşygynyň 383,9 million amerikan dollaryna barabar bolandygyny habar beripdik.