Türkmenistan 2025-nji ýylyň başyndan bäri Russiýa iň köp pomidor eksport eden döwlet hasaplanýar. Bu barada «Rosselhoznadzoryň» maglumatlaryna salgylanyp, «Report» ýazýar. Neşiriň habar bermegine görä, 23-nji martdaky ýagdaýa görä, Türkmenistanyň rus bazaryna eksport eden pomidorynyň umumy agramy 30 müň tonna golaýlady. Şeýlelikde, Türkmenistan rus bazaryny pomidor bilen esasy üpjün ediji ýurt bolmagynda galýar. Bu ugurda ikinji orun hasabat döwründe Russiýa 28,7 müň tonna pomidor iberen Azerbaýjana degişli. Umuman alnanda, degişli döwürde Russiýa daşary ýurtlardan 124,9 tonna pomidor satyn alyp, şonuň dörtden bir bölegi Türkmenistanyň paýyna düşýär. Ýeri gelende ýatlatsak, mundan ozal 2024-nji ýylda Türkmenistanyň 149 müň tonna pomidory daşarky bazarlara iberendigini, şonuň 56 göterimine golaýynyň rus bazaryna eksport edilendigini habar beripdik.